Accessibility links

якшәмбе, 11 декабрь 2016, Казан вакыты 09:19

Samara Duması uyın avtomatların çitkä çığarunı kön tärtibenä quydı


Küpmillätle Watanıbızda ğöref- ğädätlär ber- bersennän ayırılıp torsalar da, här millätneñ ruxi arqa söyägen yomşartuçı çaralar urtaq. Şularnıñ berse – uyın avtomatları. Rusiädä ürnäk alu buyınça Amerikağa sıltaw ğädäti xälgä äylände. Ä menä ni öçender Amerikanıñ yaxşı yağın ğına kürergä tırışmıylar. Amerikada uyın avtomatları tik ber şähärdä genä tuplansa, Samarda çat sayın, tuqtalış sayın – uyın avtomatları.

Qazannan ürnäk alıp, Samara guberna Duması da Samardan uyın avtomatların çitkä çığarunı kön tärtibenä quydı. Samar ölkä administratsiäseneñ xoquq idäräse citäkçese Tamara Veçkanova belderüençä, bu qanun xäref- xärefkä Tatarstan zakonınnan küçerelgän häm tizdän tormışqa aşırılaçaq. Tağın ber quanıçlı küreneş, ölkä Duması tämäke reklamasın tıyu turında qarar qabul itte.

Şamil Bahautdin, Samar

XS
SM
MD
LG