Accessibility links

дүшәмбе, 5 декабрь 2016, Казан вакыты 15:43

4 noyäber - Udmurtiä Respublikasınıñ tuğan köne


Bu atnada İjaw şähäreneñ 215 balalar baqçasında «Karusel' drujbı» dip atalğan cırlı—iyülle kiçä buldı. Başqa yıllardağı bäyrämnärdän ayırmalı bularaq, kiçädä baqçanıñ tatar, udmurt, rus törkemnärennän malaylar—qızlar bergä milli cırlar cırlap, uyınnar uynap, şiğerlär uqıp — urtaq bäyräm oyıştırdı. Kiçädä qatnaşqan ata—analar bäyrämnän qänäğät. Änilär, xätta äbilär şuşındıy kiçälärgä bik teläp yöri, kiläçäktä ulların-qızların tatar sıynıflarına birergä niätläre…

Baqça mödire Ol'ğa Medvedeva şuşındıy çaralar balalarda keçkenädän törle millätlär yäşäwen belep, alarnıñ mädäniäten öyränep üsärgä, başqa xalıqlarğa xörmät tärbiälärgä yärdäm itä dip urtaqlaştı.

Baqça mödireneñ yärdämçese Älfirä Xämidullina şuşındıy bäyrämnärne elek ayırım milli törkemnär belän uzdırsaq, xäzer inde täcribä tupladıq, balalarnı bergä cıyıp ta oyıştırabız, bu uñışlı kilep çığa, dip assızıqladı. Balalarda törle millätlärgä yaxşı mönäsäbät uyatuına da basım yasadı.

Xämidä Ğayfullina, Udmurtiä

XS
SM
MD
LG