Accessibility links

дүшәмбе, 5 декабрь 2016, Казан вакыты 19:52

Urta Äläzän tarixı kitapta


Penza ölkäsendäge Urta Äläzän awılın Rusiädäge iñ zur tatar awılı dip bez işetep beläbez. Xäzer inde bu awıl turında uqıp ta tanışırğa bula. Urta Äläzän awılınnan irle xatınlı Renat Mardanov häm Nailä Kitayıwa awıllarına bağışlanğan külämle genä kitapların bıyıl Tatarstannıñ kitap näşriätendä basıp çığarğannar. Kitapnıñ berençe bitendä Äläzän awılı apasınıñ balalarına äytep qaldırğan süze yazılğan.”Balam, ğömereñ buyı sädaqa ğına birep tor” , digän ul apa. Dimäk, sädaqa birerlek mul tormışta yäşägez, digänne añlatqan. Çınlap ta bu awıl xalqı mul tormışlı, üz xalqınıñ ğöref ğädätläre buyınça yäşi torğan xalıq. Tarixqa qarağanda bu awıl 1681 nçe yılda salına başlağan. Bügenge köndä anda 10 millionğa yaqın xalıq yäşi. Häm alar barısı da tatarlar. Tatar morzaları tarafınnan nigez salınğan awıl, isertkeç eçemleklekne ğomumän qullanmıy torğan awıl bularaq ta bilgele. Soñğı yegerme yılda awıl tağın yañarıp, maturlanıp kitkän. Tözek kirpeç yortlar, qaraltı qura, mal tuarğa bay bulğan bu awıl turında berwaqıt xatta üzäk matbuğatta da yaman süzlär işetelgän ide. İmeş waxabitlar oyası, imeş möselman dinen qatı totalar. Yuq yuğarı kütärelmi digändäy, ul süzlär tınıp qaldı. Çönki Rusiäneñ ber genä awılına da tiñ bulmağan kör tormışlı tatar awılına bäyläner närsä başqaça tabılmadı, allağa şöker diärgä bula. Şuşı könnärdä “Urta Äläzän, tarix bitläre” dip atalğan kitap avtorı Renat Mardanov Mäskäwdä dä bulıp kitte. Ul kitapnı xäzer mäskäxüneñ cämiğ mäçete yanındağı kitap kioskasınnan alırğa bula. Häm Renat Mardanov. 9 noyäberdä Qazanda, Bötendönya tatar kongressında bu kitapnı täqdim itü dä bulaçaq, dip belderde.

XS
SM
MD
LG