Accessibility links

Кайнар хәбәр

Törkiädäge millättäşlärebez telsez häm suqırlarğa din uqıtu belän qızıqsınğan


Din alğa kitkännän soñ, telsezlär häm suqırlar arasında da İslam dine nigezlären öyränergä tezläwçelär şaqtıy ikäne açıqlanğan. Älege ixtıäcñı istä totıp, “Söläyman” mäçeteneñ uqıtu bülege mödire Mälikä Gıyl'medinova monnan 3 yıl elek ük metodika buldıru eşenä kereşkän. Başta isä telsezlär, annan suqırlarnıñ mänfägat'läre qänäğätländerelde. Monıñ öçen Mälikä xanım zur köç quydı. Täcribä bulmaw säbäple, barısın da töptän öyränergä turı kilgän. Mälikä xanımnıñ metodikası turında respublika televizion kanalları da, bezneñ “Azatlıq” radiosı da şaqtıy söyläde. Älege yañalıqnı Törkiädä yäşäwçe millättäşlärebez dä işetep alğan. Bu xaqta “Söläyman” mäçete imamı İldar xäzrät Bayazitov

Qayber Törkiädä yäşäwçe millättäşlärebez bezneñ mäçet belän qızıqsındılar. Alar mäçet turında internettan häm törle keşelär arqılı belgännär häm bezneñ belän elemtägä çıqtılar.

İldar xäzrät Bayazitov belderüençä, älege metodika belän Törkiäneñ Аnkara häm İstanbul şähärlärendä ğоmer kiçerüçe häm din eşläre belän şöğellänüçe millättäşlärebez qızıqsınu beldergännär. İldar Bayazitov

Kiläçäktä dä Mälikä xanımnıñ metodikasın törek telenä küçerep anda da bastıru küzdä totıla.

Äytergä kiräk, Törkiädäge tatar yegetlären berençe çiratta “Söläyman” mäçetendäge tanıştıru üzägenä möräcäğät itkännär. Çönki monda inde berniçä yıl möselman qız-yegetlären tanıştıru eşe alıp barıla. İldar xäzrät Bayazitov belderüençä, inde berniçä qızıbız älege üzäk arqılı tanışıp Törkiägä dä kitep barğan. Bu möräcäğät itüçelär dä ike quyannı beryulı totarğa bulğannar. Xatınlı da bulaçaqlar, şul uq waqıtta millättäşlärenä sawap ta eşläyaçäklär. İldar xäzrät belderüençä, Törkiädä suqırlar öçen Qor'än inde eşlängän, ämma anda yäşäwçe millättäşlärebez üz ana tellärendä öyränergä telilär ikän. Bu metodikanı eşlägän Mälikä xanım Gıyl'metdinovanı bıyıl xacğa cibärü dä küzdä totıla. Anıñ barlıq eşlägän eşlärenä räxmät yözennän “Tatfonbank” citäkçese şundıy büläk yasarğa bulğan.

Landış Xarrasova

XS
SM
MD
LG