Accessibility links

шимбә, 10 декабрь 2016, Казан вакыты 10:11

Çallıdağı citäkçene AvtoVAZ çaqıra


KamAZnıñ bügenge 49 yäşlek general' direktorı Sergey Kogogin 4 yıl çaması menä şuşı berläşmägä citäkçelek itä. 2002нче yılğa qädär ul Tatarstannıñ iqtisat häm sänäğät ministrı bulıp ta eşläde. Citeşterü kürsätkeçlärenä qarağanda, citäkçelekkä Sergey Kogogin kilgäç, maşinalar cıyu küläme ike tapqır artqan. Mäsälän, 2001нче yılda 22 meñ çaması maşina bulsa, bıyıl 42 meñ avtomobil'gä zakaz alınğan. KamAZ kompaniäsen kapitallaştıru eşe dä uñışlı bara, dip sanıylar qayber analitiklar. Anıñ küläme 1,2млрд dollarğa citkän häm kompaniä xalıqara fond bazarına çığarğa da äzerlänä ikän. Menä şuşı kürsätkeçlärgä ireşüdä Sergey Kogoginnıñ role şaqtıy zur dip bäyälänä häm bu wäzğıät "Rosoboroneksport" federal' däwlät berläşmäse başlığı Sergey Çemezov iğtibarınnan da çittä qalmıy. Küptän tügel Çemezov äfände KamAZ generalına "AvtoVAZ" berläşmäsen citäklärgä täqdim itte. Älege täqdim turında KamAZ matbuğat üzäge mäglümät birmi, törle däräcädäge citäkçelär dä üz fikerlären äytmilär. Monısı añlaşıla, çönki Çallığa kilep eşli başlawınıñ berençe könnärennän ük, Sergey Kogogin, "KamAZda eşläwçelär minem röxsättän başqa jurnalistlarğa interv'yu birergä tieş tügellär" dip kisätep quyğan ide. Kogogin "Rosoboroneksport" başlığınıñ täqdimen qabul itärme? Älegä bilgesez, diärgä kiräk. Şulay da federal' gazeta bulğan "Vedomosti" bu bilgesezlekkä berqädär açıqlıq kertä kebek. Gazeta xäbär itüençä, Kogogin yaña eşkä küçärgä atlığıp tormıy, şul uq waqıtta aña Çemezov täqdimennän baş tartuı da bik qıyın bulaçaq. Şunlıqtan, Sergey Kogogin "AvtoVAZ" kompaniäse citäkçese bulğan oçraqta, üzeneñ taläplären quyğan. Anıñ wazıyfaları bik tögäl itep bilgelänergä häm idärä komandasın da üze tuplarğa tieş. Bu taläplärgä "Rosoboroneksport"nıñ mönäsäbäte bäyän itelmi. Şulay da, "AvtoVAZ"ğa barudan Kogogin baş tartır. Çönki "AvtoVAZ" problemalı berläşmä, ä KamAZda krizis ütte, digän fiker äytelä "Vedomosti" gazetasında. Şuşı uñaydan KamAZlılar ni uylıy soñ? İsemen äytmäwne kiräk dip sanağan beräwneñ "Azatlıq" xäbärçesenä äytkän süzläre:

"Sergey Kogogin "Rosoboroneksport" citäkçelegenä bik xäyläkär şartlar quydı. Bu anıñ Tol'yatti şähärendäge AvtoVAZğa barırğa telämäwen, barğan oçraqta da zur wäkälätlärgä iä bulaçağın kürsätä. İkençedän, anda prezident Şäymiev ta, premyer-ministr Minnexanov ta bulmayaçaq. Çönki Tatarstan citäkçeläre KamAZğa härwaqıt yärdäm itep kilde, dide bilgesez qalırğa telägän äñgämädäşem.

Ğafiulla Gazizov, Çallı

XS
SM
MD
LG