Accessibility links

шимбә, 10 декабрь 2016, Казан вакыты 06:03

Saylawlarda demokratlarnıñ ciñüe AQŞ tışqı säyäsäten üzgärterme?


Kongress saylawları näticäläre Quşma Ştatlar tışqı säyäsätenä nindi yoğıntı yasıy ala? AQŞnıñ Qıraqtağı säysäten üzgärtäçäkme? Londondağı strategik tikşerenülär institutı belgeçe Dana Allin şuşı sorawlarğa cawap birde

Belgeçlär, Kongress saylawları prezident George Bush säyästenä ışanıç referendumı buldı, dip äytep kilde. Sez monıñ belän kileşäsezme? Demokratlar firqäseneñ säyäsi köçe artqaç, Quşma Ştatlarnnıñ tışqı säyäsätendä zur üzgreşär kötärgä bulamı?

Bu il küläm saylawlar buldı, başqa Kongress saylawları kebek tügel, bu böten il saylawları buldı häm uylawımça, Bush säyäsäte mäsäläsendä referendum buldı. Tışqı säyäsät prezident köntollegendä tora, ämma bu xäl aldağı 2 yılda ğına şulay bulaçaq. Demokratlarnıñ Wäkillär pulatında pozitsiäläre köçle bulsa häm alar Senatnı da uz qullarına töşersä, bälkem, alğa taba Quşma Ştatlar tışqı säyäsäteneñ salmagraq buluın kürersez.

Sez moña misallar kiterä alasızmı?

Mäsälän, Respublikannar firqäse başlığı häm prezident saylawlarına mömkin nämzät Jonh McCain 2008 yılda Prezident itep saylansa, Kongress demokratlar qulında qalsa, McCain Kongress belän eşli häm salmağraq tışqı säyäsät tözi, häm bu başqa möhim mäsälälärgä tarala, mäsälän dönyanıñ cılınu mäsäläsenä yäki xärbi torqınnarğa mönäsäbät mäsäläsänä dä.

Quşma Ştatlarnıñ Ğıraqtağı säyäsätenä täesir itä alamı bu?

Ğıraq mäsäläsendä üzgärü bulmasqa mömkin, ämma Quşma Ştatlarnıñ gomum tışqı säyäsätenä täesir itä.

Ğıraq turında tulıraq äytä almıysızmı, moña saylaw näticäse täesire bula alamı häm Washingtonıñ Yevropadağı partnerları Bushnıñ Ğıraq säyäsäten niçek küz aldına kiterä?

Yevropanıñ Ğıraq säyäsäte yuq, bu Amerika säyäsäte, Yevropalılar, Ğıraqta xällärneñ naçarlanuına şöxbälänä, ämma bu mäsälä alarnıñ qulında tügel. Yevropalılarnıñ berse dä, Ğıraqta närsä eşlärgä kiräk, dip aqıllı cawap birä almıy, häm Quşma Ştatlarğa närsäder üzägetergä kiräk dip äyterlek säbäp yuq.

Saylaw nätciäläre NATOnıñ Äfğänstandağı säyäsätenä yoğıntı yasarmı?

Terror bellän suğışta Yevropalılar qatnaşqan ölkä, ul Äfğanstan. Anda xäl yaxşırırğa ciyınmıy. Ğıraq kebek naçar tügel, ämma bu NATO öçen bik zur sınay bulırğa oxşıy. Läkin bu Atlantikara kileşmäwçenlekkä säbäp tügel, barı näticälelek mäsäläse genä.
XS
SM
MD
LG