Accessibility links

якшәмбе, 4 декабрь 2016, Казан вакыты 09:18

Demokratlar Wäkillär pulatında küpçelekkä ireşte


Quşma Ştatlarda ütkän saylawlarda demokratlar firkäse Wäkillär pulatında, 1994 yıldan soñ berençe tapqır, küpçelekkä ireşte. Berençel näticälärgä kürä, demokratlar respublikannardan 20 dän küberäk urınnı alğan. Quşma Ştatlar taríxında berençe tapqır xatın-qız Nansi Pelosi Pulat spikerı bulır dip kötelä. Senatta ciñü öçen demoqratlarğa tağın ike urın kiräk. Älegä alarnıñ yazmışı bilgele tügel. New York ştatınnan senator-demokrat Hillary Clinton üzen ikençe tapqır Senatqa saylağanğa räxmät belderde. “Minem räxmät äytäsem kilä. Mine saylağanğa, üzgäreşlär öçen tawış birgängä, ştatqa räxmät. Saylawçılarnıñ fatíxası yaña üzgäreşlär waqıtı citkänne belderä. İdeologiädäge fiker qarşılıqları häm bäxäslärdän östen bulıp bez tormış öçen ähämiätle bulğan- new-yorklılar häm böten amerikannar problemaların çişügä qaytaçaqbız”,- dide Clinton.

Demokratlar firkäse wäkilläre ştat gubernatorların saylawlarda da alda bara. Küplär fikerençä, Quşma Ştatlar xakimiateneñ Ğıyraqtağı säyäsäte, Kongressnıñ ike pulatında da ozaq waqıtlar küpçelekne täşkil itkän respublikannarnıñ abruyın töşergän.

XS
SM
MD
LG