Accessibility links

җомга, 9 декабрь 2016, Казан вакыты 18:29

Nancy Pelosi AQŞ tarixında iñ yuğarı urınğa saylanğan berençe xatın-qız bulaçaq


Ğınvar ayında, yaña saylanğan Kongress eşenä kereşkäç, Nancy Pelosi, Quşma Ştatlar tarixında iñ yuğarı urınğa saylanğan berençe xatın-qız bulaçaq. Kongressnıñ Wäkillär pulatında küpçelek urınnarnı yawlap alğan firqä wäkile bularaq, ul spiker bulıp saylanırğa tieş. 5 bala tabıp üstergän, inde onıqları bulğan 66 yäşlek xanım moña niçek ireşte?

Kiläse atnada Wäkillär Pulatı citäkçese bulıp formal raslaw çarasınnan soñ, Nancy Pelosi Wäkillär pulatı tarixında da berençe xatın-qız citäkçe bulaçaq. Respublikannar anı San-Fransisko kebek leberal şähärdän çıqqan sulçı ekstremist dip atağan ide. Xäzer ul, yaña wazifağa kereşkäç, Prezident Bush öçen tormışnı qatlawlandıra ala. Läkin ul, monı eşlärgä cıyınmayın äytte, Bushnı iñ qatı tänqitgän keşe bulsa da. Saylawlarnıñ ikençe könendä Nancy Pelosi, Prezident Bush belän bulğan telefon soyläşüeneñ eçtälege turında bolay dide:

“Prezident Bush belän matur söyläşü buldı. Ul mine qotladı. Min aña, anıñ ike partiä belän eşläwne kotäm, didem. Prezidentnıñ uñışı bar il öçen yaxşı, bez Amerika xalqı öçen bergä eşli aluıbızğa ömmtlänäm, didem.”

Wäkillär Pulatınıñ küpçelege häm Demokratlar oppozitsiä citäkçese bularaq, Pelosi qanunnar aşa üz firqäsenä täläktäşlek kürsätä alaçaq. Anıñ qaysı qanunnı tikşeregä, qaysısın yuq, şul mäsälädä dä xäl itü xoquqı bulaçaq. Bu zur närsä, monı Bush ta tanıy. Aq yortta matbuğat oçraşuında çığış yasağanda, Bush, Wäkillär Pulatnıñı yaña citäkçese anı belemsez, aldaqçı, qurqınıç dip atasa da, ul anıñ belän eşlärgä riza buluın äytte.

“Min anıñ häm anıñ kollegaları belän eşläwne, aldağı 2 yılda ber nigez tabunı kötep toram, didem. Wäkillär Pulatında küpçelekne alğan firqä bularaq, alarnıñ xäzer cawaplığı arttı.”

Pelosinıñ yaña wazifası ul ale, 5 bala anası, inde onıqları bulğan, häm berençe tapqır 47 yäştä saylanğan xatın-qız öçen zur uñış ta.

Pelosi 1940nçı yılda, Baltimor şähärendä, italian häm amerikan ğailäsendä tua. Ul 5 ir bala arasında ber qız bala bala. Anıñ ätise-änise dä Demokratlar firqäseneñ eşendä aktiv qatnaşıp kilgän, anıñ ätise şähär başlığı häm Kongress äğzäse bulğan.

Universitetta belem alğannan soñ, Nancy Paul Pelosiga kiäwgä çığa häm Koliforniä Ştatına küçep kitä. Nancy Pelosi säyäsättä aktiv qatnaşsa da, oydä utrıp, balalar qaryı. Yıllar buyı ul Demokratlar firqäse wäkilläre öçen saylaw kampaniälärenä aqçalar tabıp, alarnı oyıştırıp kilä. Läkin 1987 yılda, Kongressqa saylanğan äğzä ülep kitkäç, ul üzeneñ kompaniäsen başlarğa bula. Şuşı yılda ul saylawlarda ciñä, häm soñğınnan bulğannarında tağın 10 tapqır saylana. Xäzer, Demokratlar häm Respublikannar da anı aqça taba belü häm yaqlarnı kileşügä kiter alu öçen xörmät itä.

Şul uq waqıtta ul küp tänqitlänä dä. Xökümät öçen mohim pozitisiälärdä ul artıq liberal, dip äytlälär anıñ turında. Mäsälän ul, Bushnıñ Qıraqqa qarçı suğış başlaw qararına ul qarşı tawış birgän. Pelosi homoseksuallarnıñ niqaxların ralsatu yaqlı häm qoral yörtügä qarşı qanunı qırıslatırğa teli. Ul şullay uq, xakimiätlärne, keşe xoquqların qısu öçen qatı tänqitläp kilde. Saylawlar ütkän tönne ul, min bar xalıq öçen ciñdem, amerikannar üzgäreşlär öçen tawış birde, dip belderde.

Bikä Timerova.
XS
SM
MD
LG