Accessibility links

пәнҗешәмбе, 8 декабрь 2016, Казан вакыты 05:15

Qırğız oppozitsiäse konstitutsiäne qotlıy


Qırğızıstan oppozitsiä Bişkäk üzägendä küpmeñlägän keşe qatnaşında ilneñ yaña Konstitutsiäsen qabul itügä bağışlanğan uram cıyını ütkärde. Qırğızıstan prezidentı Qormanbäk Baqıyıv, parlament kiçä aña täqdim itkän, yaña konstitutsiä ölgesen pänceşämbe irtänge 4 tä imzalağan ide. Oppozitsiä taläp itkän ilneñ bu yaña töp qanunına kürä, Qırğızıstan parlament-prezident respublikası bulaçaq.

Qırğızıstan parlamentı räise Marat Soltanov bu xaqta: “Minem uylawımça, bu çınnan da urtaq kileşügä ireşelgän, yaxşı ölge buldı. Bez kürenekle belgeçlär belän küp bulmasa da, kiñäşläştek. Häm alar, çınnan da, bu konstitutsiäneñ ölgese elekkese belän çağıştırğanda ber genä tügel, ä berniçä adım alğa kiteş, dip bäyälädelär”,- dide.

Soltanov äytüençä, rus tele statusın saqlaw, ike watandaşlıq mömkinlege häm mäxkämä qararınnan tış qulğa alunı tıyu ähämiätle matdälär bulıp tora.

XS
SM
MD
LG