Ufada 13 noyäber könne süz iregen yaqlap uram cıyını ütäçäk. Başqortstannıñ Watandaşlar forumı dip atalğan oppozitsiä berlege oyıştıruçı bu piket kürenekle jurnalist Anna Politkovskayanıñ üterelüenä häm Başqortstanda süz iregeneñ torışı mäsälälärenä bağışlanaçaq. Uram cıyını oyıştıruçılar äytüençä, piket öçen tieşle röxsät alınğan häm ul respublikanıñ küpçelek gazetaları häm jurnalları redaksiäläre urnaşqan Matbuğat binası aldındağı mäydanda ütäçäk.
Piketnı oyıştıruçılar bu çarağa çaqırıp yazğan belderülärendä ber iskärtü dä yasıy. “Bu cıyınğa barı tik namuslı jurnalistlar ğına kilsen, ä xakimiätlär cırın cırlağannar kilmäsen”, - dielgän ul çaqıruda.
