Accessibility links

дүшәмбе, 5 декабрь 2016, Казан вакыты 23:39

Tatarstanğa küçenep qaytuçılar programması äzerlänä


“Xalıqara mönäsäbätlär häm keşe xoquqları” komissiäse utırışınıñ berençe öleşe Tatarstanğa küçenep qaytuçılar mäs’äläsenä bağışlandı. Migratsiä xezmäte wäkile Tälğät Zaripov xäzer Tatarstanda ayıruça Üzbäkstan häm Äzerbäycannan kilep yäşäwçelär şaqtıy ikäne assızıqlandı. Läkin här qaytuçını eş häm toraq belän dä tä'min itü kiräk. Şul uñaydan xäzer respublikada maxsus programma äzerlänä ikän. Anıñ nigezendä, respublika niqädär keşene qabul itärgä äzer buluı bilgelänergä tieş. Läkin komissiä utırışında qatnaşqan Marat Mölekov isemendäge Tatar ictimaği üzäge wäkilläre Tatarstanğa kübräk millättäşlärebezne qaytaru mäs’äläse belän borçıldılar.

Bu xaqta Migratsiä xezmäte wäkile Tälğät Zaripov

Programma eşlänep betmägän. Anıñ nigezendä Rusiädä monnan kitkän keşelär eşliäçäk. Alarğa çit ildäge keşelär barıp yazılaçaqlar. Bezneñ Tatarstanğa niqädär keşe kiräklegen şuña bilgeläw kiräk. Şuña rayon citäkçelärenä cibärelde küpme eşçe kiräklegen sorap.

Tälğät Zaripovnıñ cawabın tatar ictimaği üzäge wäkilläre qänäğätsezlek belderdelär. Federal' Migratsiä idäräsennän Nikolay Vladimirov

Mäcbüri küçenep qaytuçı 50 meñ keşeneñ 75 protsentı – tatarlar, 10 protsentı – urıslar, qalğannarı başqa millät wäkilläre.

Nikolay Vladimirov äytüençä, respublikada başqa töbäklärdäge kebek migratsiä säyäsäte buyınça komissiä buldıru zarur. Barı şul oçraqta ğına eş yuğarı däräcädä xäl iteläçäk. Bu mäs'älädä Rafail Xäkimov

Min tatar awıllarında yördem häm miña tatarlar eşkä yaramıylar dip zarlandılar. Alar däwlät orğannarına kerep “bez tatarlar, sez bezgä anısın-monısın birergä tieşsez”, - dip taläp itälär ikän. Kiresençä alar Tatarstanğa xezmät itärgä tieş. Menä yäşlär belän problema yuq – alar uqiylar da, tieşençä eşlilär dä.

Komissiä utırışında millättäşlärebezne buşap qalğan awıllarğa qaytaru kebek täqdimnär äytelde. Şulay uq Qazanda da da Mäskäwdäge kebek watandaşlar üzägen oyıştıru kiräklegenä basım yasaldı. Ul etnik turistlıq, çittän kilgän studentlar mäs’äläsen dä xäl itär dielde. Monnan tış Bötendönya tatar kongressı Başqarma komitetınıñ Berläşkän millätlär oyışmasına terkälergä cıyınuı da bilgele buldı.

Komissiya utırışında şulay uq çittän kilep belem aluçı studentlar mäs’äläsenä tuqtaldılar. Tatarstanda belem alğaç alarnıñ üzlärenä qaytmıyça monda qalularına kübese borçılu belderde.

Landış Xarrasova

XS
SM
MD
LG