Accessibility links

якшәмбе, 4 декабрь 2016, Казан вакыты 05:08

Omski yäşläre Semey festivalendä buldılar


Pänceşämbe könne Omskinıñ ber törkem tatar yäşläre Qazaqstannıñ Semey şähärendä ütkän festival'-konkurstan äylänep qayttılar. “Közge İrteş moñnarı” dip atalğan bu tatar sänğate bäyräme bıyıl inde cidençe märtäbä ütkärelde häm anda qatnaşuçılar ğädättä Qazaqstannan ğına tügel Rusiäneñ törle töbäklärennän dä bula. Festival'dä här yılnı Omski sänğat'kärläre dä qatnaşalar häm äytergä kiräk küp oçraqlarda prizlı urınnar da ayulıylar. Bıyıl Omskidan anda 8 keşe bardı. Alar cır häm biyu janrlarında köçlären sınadılar häm yaxşı ğına uñışlarğa da ireştelär. “Umırzaya” ansambleneñ xoreografı Zäliä Säitbağina häm “Ömet” törkemeneñ biüçese Kseniä Panova ike törle biyu nominatsiäsendä berençe urınnarnı ayuladılar, kümäk biüdä qızlar ikençe urında buldılar, ansambl'neñ cırçısı Röstäm Äxmetçanov yalğız başqaruçı nominatsiäsendä öçençe urınğa çıqtı.

Äñgämä Röstäm Äxmetçanov belän bara. Xäzerge waqıtta Röstäm Qazanda Däwlät Gumanitar-pedagogiä institutınıñ berençe kursında Miñğol Galeev klassında belem ala.

Östäp şunı da äytergä kiräk, Röstäm tuğan şähäre häm anı tärbiälägän ansambl' belän bäyläneşlären özmi – ul “Umırzaya” ansambleneñ noyäber axırında bulaçaq konsertında da qatnaşırğa niätli.

XS
SM
MD
LG