Accessibility links

сишәмбе, 6 декабрь 2016, Казан вакыты 15:22

Omskida ğibrätle tatar tele däresläre


Omskinıñ 1-nçe sanlı pedagogiä kölliätendä tatar tele uqıtuçıları äzerlänüe turında tıñlawçılarıbız inde xäbärlärlär. 2001 yılda uqırğa kergän studentlar öçen bıyıl çığarılış yılı. Oktäber, noyäber, dekaber aylarında alar mäktäplärdä praktika ütärgä tieşlär. Ämma, qızğanıçqa, tatar tele bıyıl Omskinıñ ber genä mäktäbendä dä fakul'tataiv räweştä bulsa da uqıtılmıy. Şunlıqtan kölliät citäkçelege aldında praktika ütü mömkinlegen tabu mäsäläse kilep bastı.

Tatar tele uqıtuçısı Gölsinä Äxmerova, kolliät citäkçelege belän kiñäşep şundıy qarağa kilgännär: studentlar çiratlap ber-bersenä däres birälär. Praktiqa başlanğanğa inde ber aydan artıq waqıt ütte häm bügenge köngä härber bulaçaq uqıtuçı kurstaşları aldında berniçä däres ütkärde. İnde qayber näticälär dä yasarğa mömkin di Gölsinä xanım.

Gölsinä xanım süzlärençä, 5 yıl elek bötenläy diärlek tatarça söyläşä belmägän studentlar xäzer däres alıp barırlıq däräcädä tel öyrängännär. Ä qızlar üzläre tatar tele uqıtuçısı bulırğa cıyınalarmı soñ?Cıyınğan oçraqta eş taba alırlarmı? Qızlarnıñ qayberlärenä min bu sorawlarnı yulladım. Dinä Xämidullina häm Evilina Ayuqayıwanıñ balalar uqıtırğa teläkläre bar.Ämma eş tabılırmı?

Studentlar äle dekaber urtalarına çaqlı tatar tele buyınça däreslär biräçäklär. Praktiqa barışında programmada qaralğança alar balalarğa tärbiä däresläre ütkärergä tieşlär. Omski şartlarında, tatar sıynıfları bulmağanlıqtan, bu däreslärne yätim balalar yortında ütkärelü küzdä totıla.

Rozaliä Sayganova, Omski

XS
SM
MD
LG