Bu atnadağı saylawlardan soñ AQŞ Kongresınıñ ike pulatı da demokratlar qulına küçkäç prezident George Bush Demorkatik Partiä säyäsätçeläre belän bergä eşlärgä wäğdä itte.
Bush Demokratlar tarafınnan Quşma Ştatlarnıñ Ğiraqtağı maqsatlarında yardäm itäçäk kiñäş täqdimnärne işetergä teläwen belderde.
"Terrorçılarnı ciñü, Ğiraqtağı demokratik xökümätneñ uñışqa ireşüen täemin itü maqsatlarıbızğa yardäm itäçäk kiñäşlärne häm fikerlärne tıñlarğa äzermen" dide Bush.
Bush Aq Yortta Wäkillär Pulatınıñ yaña citäkçese bulır dip kötelgän Kaliforniä demokratı Nancy Pelosi belän söyläşülär ütkärde.
