Accessibility links

сишәмбе, 6 декабрь 2016, Казан вакыты 23:02

Waşington Qırğızstanda yaña konstitutsiägä xuplaw belderde


Quşma Ştatlar Qırğızstan prezidentı Qurmanbek Baqievnıñ yaña Konstitutsiäne imzalawına xuplaw belderde. Däwlät departamentı süzçese Gonzalo Gallegos Waşington säyäsi nizağqa tınıç, söyläşülär aşa ireşelgän çişeleşne xuplıy dide. Qırğızstan premyer ministrı Feliks Kulov yaña konstitutsiäne raslaw ısulına borçılu belderde. Ul parlament äğzaları Ginnesnıñ rekordlar kitabına kertelerlek qurqınıç ürnäk buldırdı dide. Çärşämbe könne Parlament Konstitutsiäne tiz genä 2 uquda da qabul itte. Yaña konstitutsiä Bişkäktä atna buyı prezident Kurmanbek Bakievnıñ xakimiättän kitüen taläp itep meñnärçä keşe qatnaşında demonstratsiä ütkärgän oppozitsiä belän xakimiät arasındağı kierenkelekne beterde. Yaña konstitutsiä prezident xakimiäten kimetep, xökümätne bilgeläwdä parlamentnıñ wäkalärlären arttıra.

XS
SM
MD
LG