Äfğanstan xökümäte häm xalıqara belgeçlär berlektä tözegän xisapqa qarağanda, bügenge köndä Äfğanstanda ğısyançılıq häm terrorğa bäyle ğämällär näticäsendä ay sayın 600gä yaqın keşe ülä. Bu – uzğan yılğıdan 4 tapqır artığraq. Xisap Qabulda iğlan itelde. Östäwenä, BMO mäğlümatlärenä qarağanda, bıyıl Äfğanstanda äfyün citeşterü küläme iñ yuğarı däräcägä, 6 meñ 100 tonğa citkän, bu da – qorallı nizaqnı çişergä qomaçawlıy.