Accessibility links

чәршәмбе, 7 декабрь 2016, Казан вакыты 01:01

Çallıda Rusiäküläm konferensiä


11 noyäber, şimbä könne Qazan Däwlät Universitetınıñ Çallı filialında Bötenrusiä fänni-ğamäli konferensiä üz eşen tämamladı. Atna azağında uzğan älege forum "regionnıñ sotsial'- iqtisadıy üseşen institutsionalizatsiäläü " iseme astında bardı. Konferensiädä Mäskäw, Tatarstan, Başqortstan, Udmurtiä, Mordoviä, Orenbur, Sember, Perm, Penza häm başqa töbäklärdäge yuğarı uqu yortları ğalimnäre, cirle üzidarä wäkilläre qatnaştı. Alda äytep kitkänemçä, konferensiä eşe institutsionalizatsiä digän, moñarçı qolaqqa artıq çalınmağan süz belän bäyle ide. Şuşı forumnıñ matbuğat konferensiäse öleşendä Lomonosov isemendäge Mäskäw universitetı professorı, konferensiäneñ fänni citäkçese Qaysin Xubiev, institutsionalizatsiä süzeneñ mägnäsen ozaqlap añlatırğa kiräk, dide. Şulay da, anıñ äytüençä, bu süz bazar mönäsäbätlärenä küçü, normativ qanunnar, keşelärneñ qarar qabul itüläre, ğöref- ğädätlär, törle qağidälärne qullanunı üz eçenä ala ikän. Älege fänni-ğamäli konferensiädä Tatarstannıñ dürt ministrlıq citäkçeläre häm wäkilläre qatnaşıp, üz fikerlären äyttelär. Tatarstannıñ mäğärif häm fän ministrı Räis Şäyxelismamov oyıştıru komitetı räise bularaq qatnaşa, iktisad häm sänäğät ministrı urınbasarı Raşat Fättäxov Tatarstannıñ sotsial'-iktisadıy üseş farazları xaqında söyläde. Konferensiädä 150 dän artıq çığış yasaldı. Aralarında qızıqlıları da bar ide. Şulay da Azatlıq xäbärçesen Başqortostan prezidentı qarşındağı däwlät sotsial' universitetınıñ Munitsipal' xoquq kafedrası aspirantı Yewgeniä Rassolovanıñ programmağa kertelgän dokladı qızıqsındırdı. Rassolova xanım "Keşe xoquqların Konstitutsiä qısalarında çikläw häm Rusiä qurqınıçsızlığın tä'min itü" xaqında söylärgä tieş ide. Qızğanıç, Rassolova Çallığa kilä almawın xaqında xäbär cibärgän bulıp çıqtı. Çınnan da, Konstitutsiä qısaları belän keşe xoquqların niçek çiklärgä bula, şunıñ belän Rusiä qurqınıçsızlığın niçek tä'min itep bula, üzençälekle doklad bula ide bu. Biredä, yuğarı uqu yortlarındağı korrupsiä teması berqädär açıldı. İqtisat fännäre doktorı Xubiev bolay dide: Korrupsiä ul üze ber institut, yuğarı uqu yortlarında anıñ belän köräşüneñ ike yulı bar: berençese, Almaniädäge kebek, härkem uqırğa kerä ala, berençe sessiädän soñ, kemneñ uqırğa säläte yuq, töşep qala. Berkemgä aqça tülärgä kiräk tügel. İkençe yul- İngliz- Amerika variantı. Mäsälän, Ğarward universitetında uqıysıñ kilä ikän, açıqtan-açıq 40 meñ dollarnı tülä. Professor Xubiev Rusiädäge regionnarnı erelätü yağında buluın belderde. Tatarstanğa qağılışlı fikerlär äytmäsä dä, üze tuıp-üskän Qaraçay- Çerkes respublikasın Krasnodar krae sostavında kürergä teli.

Ğafiulla Ğaziz,Çallı

XS
SM
MD
LG