Accessibility links

якшәмбе, 11 декабрь 2016, Казан вакыты 15:03

Äxmät Räşitneñ 70 yıllıq yubiley kiçäse ütte


13 noyäber könne Qazannıñ S.Säydäşev isemendäge Zur konsertlar zalında Tatarstannıñ atqazanğan sänğät eşleklese, Ğayaz İsxaqi isemendäge premiä lawreatı şağir Äxmät Räşitneñ 70 yäşlek yübileye uñayınnan ädäbi-muzıkal'' kiçä uzdı. Tanılğan şağirne Mädäniät ministrı urınbasarı Aydar Ğaynetdinov, Tatarstan Yazuçılar berlege citäkçese İlfaq İbrahimov , şağir Renat Xaris, qälämdäşläre, dusları, yaqtaşları qotladılar.

Kiçä Qamal teatrı artistları tarafınnan Äxmät Räşitneñ “Qolşärif” poemasınnan özeklär uquı belän başlanıp kitte. Annan “Qazan yegetläre” törkeme anıñ Qolşärif isemle cırın başqardı. Şağirneñ “Qoyaşlı il – bäxet ile” kitabınnan balalar üzläre öçen yazılğan şiğerlär uqıdı. Ä kiçäneñ ikençe yartısında şağirneñ mäxäbbätkä bağışlanğan cırları başqarıldı. Alar arasında “Minem mäxäbbätem” dip atalğan şiğere şağirneñ tormış iptäşe , yazuçı Mädinä Malikovağa bağışlağanı da buldı. Tanılğan artistlar, kürenekle cırçılar anıñ şiğerlären häm cırların başqardı.

Yubiley kiçäse bik kütärenke ruxta bardı. Kiçädä tamaşaçı şağirneñ millät turındağı şiğerlären avtornıñ üze başqaruında tıñladı.

Ä böten tatarlar da belgän häm yaratıp başqarğan “Berençe mäxäbbät” cırın anıñ awıldaşı Fäniä İsxaqi başqaruında tamaşaçı bik cılı qarşı aldı. “Zäñgär külmäk” cırın Näcip Bädretdinov bayanda uynap cibärügä cırçı çıqmağaç, şağirneñ awıldaşı mäktäp direktorı Räis Näğimullin zaldan säxnägä menep başqardı. Bu küreneş Äxmät Räşitneñ şiğerläreneñ xalıqçan buluına tağın ber dälil buldı. Tamaşaçı fikeren dä tıñlap kitik äle audio

Şağirgä 70 yäş bulsa da, ül äle bik kör küñelle, köçle ixtiarlı .

Bua rayonınıñ Çäçqap awılında tuıp üskän Räşit Äxmätovnıñ yäştän ük ätisez -änisez yätim qalıp, ämma çınığıp üsep citkän yeget Qazan däwlät universitetında belem ala. Küp yıllar buyı ul radio komitetta eşli, televideniedä xezmäten quya. Äxmät Räşitneñ yazmışı awır bulsa da, anıñ talantı küpqırlı, şiğerläre bik tirän häm fälsäfi eçtälekle. Şağir poeziäneñ här janrında da bik üzen irken tota. Ul 13 poema, 12 kitap avtorı. Anıñ kitapları törle tellärgä tärcemä itelgän.

Mälikä Basıyr

XS
SM
MD
LG