Accessibility links

якшәмбе, 11 декабрь 2016, Казан вакыты 11:05

Açıq mikrofon: süz irege barmı?


Qazanda bu könnärdä Rusiä Cämäğät pulatınıñ Kommunikatsiälär, mäğlümäti säyäsät häm süz irege komissiäseneñ küçmä utırış ütte. Sişämbe könne dä anda jurnalistlar xoquqları, süz irege, bigräk tä milli häm töbäk mäğlämät çaralarında, süz bardı. Mäskäw qunaqlarınnan utırışta Ruiä prezidentınıñ İdebuyı federal okruğındağı wäkil urınbasarı Vladimir Zorin, Rusiä Cämäğät pulatınıñ komissiä citäkçese Pavel Gusev, pulat wäkile, jurnalist Nikolay Svanidze häm başqalar üz fikerläre belän urtaqlaştı. Anda bik küp qızıq çığışlar buldı.

Menä şundıy qızıqlı wä möhim çara ütä Qazanda. Aña respublikadağı törle mäğlmät çaraları da bik küp iğtibar birä, cıyılışnıñ barışı, anda qaralğan mäsälälär belän tanıştıra. Läkin xalıq bu tema belän qızıqsınamı soñ? Bügenge AM säxifäse şuşı xaqta bulır. Bez Qazan däwlät universitetınıñ tatar jurnalistika belgeçlegendä uqığan yäşlärdän alarnıñ Qazanda bu könnärdä uzğan çara belän tanışmı ikänlegen soraştıq. Alar öçen älege tema ayıruça yaqın buluğa da qaramastan, bulaçaq tatar jurnalistlarınıñ kübese Qazanda jurnalistlarnıñ xoquqları häm süz iregenä bağışlanğan utırışı turında xäbärdär tügel ikän. Alar üzläre monı menä niçek añlatalar.

Çönki menä 4 qız torabız, tegelärneñ öçese dä urıs. Berençedän, tatarça söyläşergä integep yäşim. Böten milli xisläremne yuqqa çığarıp beterälär buğay inde. İkençedän, tatar telendäge radiolarnı tıñlarğa irek birmilär. Alar rus radioların tıñlıylar. Ä min tatarça tıñlıy başlasam härwaqıt miña qarşı kilälär. Ä menä mäsälän öydä waqıtta bez daimi ğailä belän yañalıqlarnı qarap, tıñlap bara idek.

Çönki bezdä mömkinçeleklär yuq. Televizor da, radio da bar. Läkin menä bez radio tıñlarğa utırabız ikän, bülmädäş qızlar televizor tawışın qıçqırtıp quyalar häm alar ğadättä “Dom 2” işe tapşırularnı qarıylar. Menä şulay itep bez radio da televizor da qarıy almıybız.

Älbättä Qazanda yäşäwçelärneñ mömkinlekläre kübräk. Äytik, mäsälän, min soñğı xäbärlärne televizordan kürä almadım şuna kiçen İnternetqa kerep xäbärlärne qarap çıqtım. Ä tulay toraqta alarnıñ andıy mömkinlekläre yuq.

Qazanda ütkän qızıqlı utırış turında studentlar törle säbäptän belmäsä dä, alar süz irege, anıñ nidän ğibärät buluı xaqında uylanalar.

Fikereñne äytü xoquqı, ul äle sine işettelär digän süz tügel. Süz irege şunda tora da inde, sineñ fikerläreñ keşelärgä barıp citärgä tieş.

Berençe qaraşqa jurnalist öçen irek ul üze niçek teli, şulay eşli, eşlären üz ixtiärınnan çığıp başqara ala kebek toyılırğa mömkin. Ämma bu alay tügel. Şul mäğnädän çığıp fiker yörtkändä irek törle kirtälärgä kilep törtelä. Pozdner süzlärenä qarağanda, ber mäğlümat çarası da tulısı belän irekle bula almıy. Berniçä yıl elek Pozdner Qazanğa Tatarstanda süz irege barmı, yuqmı ikänen tikşerergä kilgän ide. Şundağı konferensiädä jurnalistlar süz irege bar, läkin ul bezneñ küñeldä yäşerelgän, bez anı barı tik yaza almıybız digän näticägä kildelär.

Gölnaz Şäyxetdin

XS
SM
MD
LG