İminlek häm tınıçlıq eşlärenä kübräk xatın-qızlarnı qatnaştıru kiräklege turında berençe yıl ğına söylämilär inde. Beräwlär, xatın-qız nişlärgä tieş dip bäxäsläşep yatqanda, başqaları ber nindi rezolüsiäsez eşne tormışqa aşıra bara.
Küptän tügel Azatlıq radiosında uzğan Yevropa yağulıq forumında Latviä iqtisad ministrlığınıñ däwlät sekretare urınbasarı İlga Preimate''ğa Latviädäge xatın-qızlar turında ber niçä soraw belän möräcäğät ittek. Söyläşüdän añlaşılğança, respublika xalqı iñ yuğarı däräcädä xatın-qızlar buluı belän genä tügel, ul däräcälärdä eşneñ näticäle baruı belän ğorurlana. Latviädä prezident Veire Vike Freiberga häm parlament spikerı – İngrida Udre – ikese dä xatın-qızlar, monnan tış törle ministrlıqlarda büleklärne citäklägän xatın-qızlar küp. İqtisad ministrlığında däwlät sekretare urınbasarı İlga Preimate süzlärenä qarağanda, Latviädä, kem nindi eştä bulırğa tieş digän süzlär inde küptän artta qalğan. İñ möhime – eş yaxşı eşlänergä tieş.
Latviä xanımnarı ğailä qorıp bala tabırğa xıyallanmıymı ällä? Küp cämğiätlärdä bala tapqan xatın-qıznıñ karyera yasaw mömkinlekläre bik çiklänä bit. Bu sorawğa İlga xanım menä närsä dide:
"Min, xatın-qız berençe çiratta äni bulırğa tieş dip äyter idem, annarı ğına säyäsätçe. Läkin monıñ ikese dä ber yulı bulsa – bik yaxşı."
Alay bula alamı soñ?
"Min anı buldıra alğan xanımnar aldında baş iäm. İñ berençe şundıy xatın qız ul bezneñ prezidentıbız, anıñ ike balası bar. Bezneñ tağın ber tanılğan säyäsätçe xanım bar, ul İngrida Udre – anıñ da ğailäse, balaları bar. Küp bezneñ andıy xatın-qızlar. Sosial mäsälälär ministrı Dagne Estate, anıñ, yalğışmasam, 4 balası bar. Mädäniät ministrı Helena Damakova, şundıy uq misal. Häm bu isemlekne däwam itep bula."
Latviä iqtisad ministrlığınıñ däwlät sekretare urınbasarı İlga Preimate''dan, küp eşläp tä bala üsterergä waqıt tapqan xatın-qızlar turında beldek. Yort mäşäqätläre, bala üsterü häm ğailä problemalarına kerep batmas öçen bilgele yanıñda töple ışanıçlı kiñäşçe häm yardämçel ireneñ buluı – ber şart bulsa, ikençese:
"Xatın-qızğa qurıqmasqa kiräk, eşkä çığarğa, uqırğa barırğa, üzeñne tabırğa kiräk, balalar belän genä utırmasqa. Öydän çığıp kitü yulın tabıp bula. İrekle bulu säläte häm teläge – barı tik xatın-qızlarnıñ üzlärennän tora."
Latviädä xakimiättäge xatın-qızlar turında iqtisad ministrlığınıñ däwlät sekretare urınbasarı İlga Preimate fikerläre buldı bu.
Alsu Qormaş
Küptän tügel Azatlıq radiosında uzğan Yevropa yağulıq forumında Latviä iqtisad ministrlığınıñ däwlät sekretare urınbasarı İlga Preimate''ğa Latviädäge xatın-qızlar turında ber niçä soraw belän möräcäğät ittek. Söyläşüdän añlaşılğança, respublika xalqı iñ yuğarı däräcädä xatın-qızlar buluı belän genä tügel, ul däräcälärdä eşneñ näticäle baruı belän ğorurlana. Latviädä prezident Veire Vike Freiberga häm parlament spikerı – İngrida Udre – ikese dä xatın-qızlar, monnan tış törle ministrlıqlarda büleklärne citäklägän xatın-qızlar küp. İqtisad ministrlığında däwlät sekretare urınbasarı İlga Preimate süzlärenä qarağanda, Latviädä, kem nindi eştä bulırğa tieş digän süzlär inde küptän artta qalğan. İñ möhime – eş yaxşı eşlänergä tieş.
Latviä xanımnarı ğailä qorıp bala tabırğa xıyallanmıymı ällä? Küp cämğiätlärdä bala tapqan xatın-qıznıñ karyera yasaw mömkinlekläre bik çiklänä bit. Bu sorawğa İlga xanım menä närsä dide:
"Min, xatın-qız berençe çiratta äni bulırğa tieş dip äyter idem, annarı ğına säyäsätçe. Läkin monıñ ikese dä ber yulı bulsa – bik yaxşı."
Alay bula alamı soñ?
"Min anı buldıra alğan xanımnar aldında baş iäm. İñ berençe şundıy xatın qız ul bezneñ prezidentıbız, anıñ ike balası bar. Bezneñ tağın ber tanılğan säyäsätçe xanım bar, ul İngrida Udre – anıñ da ğailäse, balaları bar. Küp bezneñ andıy xatın-qızlar. Sosial mäsälälär ministrı Dagne Estate, anıñ, yalğışmasam, 4 balası bar. Mädäniät ministrı Helena Damakova, şundıy uq misal. Häm bu isemlekne däwam itep bula."
Latviä iqtisad ministrlığınıñ däwlät sekretare urınbasarı İlga Preimate''dan, küp eşläp tä bala üsterergä waqıt tapqan xatın-qızlar turında beldek. Yort mäşäqätläre, bala üsterü häm ğailä problemalarına kerep batmas öçen bilgele yanıñda töple ışanıçlı kiñäşçe häm yardämçel ireneñ buluı – ber şart bulsa, ikençese:
"Xatın-qızğa qurıqmasqa kiräk, eşkä çığarğa, uqırğa barırğa, üzeñne tabırğa kiräk, balalar belän genä utırmasqa. Öydän çığıp kitü yulın tabıp bula. İrekle bulu säläte häm teläge – barı tik xatın-qızlarnıñ üzlärennän tora."
Latviädä xakimiättäge xatın-qızlar turında iqtisad ministrlığınıñ däwlät sekretare urınbasarı İlga Preimate fikerläre buldı bu.
Alsu Qormaş