Accessibility links

чәршәмбе, 7 декабрь 2016, Казан вакыты 19:29

Bağdadta 150läp xezmätkärlär urlanğan


Ğıraq başqalasında mäğärif ministrlığı qaramağındağı fänni tikşerenü instittutınıñ 100 dän alıp 150 gä qädär xezmätkäre urlanğan. Urlanuçılarnıñ tögäl sanı älegä bilgesez. Ğıraq parlamentı wäkile: “Politsiä xezmätkärläre kiemendäge terrorçılar törkeme mäğärif ministrlığı idaräse binasına bärep kergän. Alar üzlären rişwätkä qarşı köräşü bülegendä xezmät itäbez, dip beldergän. Qullarında alar ezli torğan keşelär isemlege buluğa qaramastan, kemne eläkterä alğannar- citäkçelärne dä, xezmätkärlärne dä, yärdämçelärne dä, cıyıştıruçılarnı da alıp kitkännär. Binada ber kem dä qalmağan dip äytergä bula”,- dide.

Bu xäl 20 minut eçendä bulğan. Urlaw öçen cawaplılıqnı älegä qädär ber kem dä üz östenä almağan.

XS
SM
MD
LG