Accessibility links

чәршәмбе, 7 декабрь 2016, Казан вакыты 00:58

Süriä AQŞ belän söyläşülär başlarğa äzer


Süriä Quşma Ştatlar belän Ğıraqtağı xälne cayğa salu turında söyläşülär başlarğa äzer. Süriä xökümäteneñ “Tişrin” gazetası belderüençä, Dämäşek Waşingtonnan konkret täqdimnär kötä. İran isä, Quşma Ştatlar İranğa qarşı propagandasın tuqtatqan oçraqta ğına bu xaqtağı söyläşülärgä riza bulaçaq, dip belderde. İran tışqı eşlär ministrı Manuchehr Mottaki: “İran berqayçan da söyläşülär üteneçe belän möräcäğät itmäde. Quşma Ştatlar bezdän bu xaqta soradı inde. Ğıyraq xakimiatläre İrannan, xälne cayğa salu öçen, Quşma Ştatlar belän söyläşülär başlawnı sorap möräcäğät itkäç, Tähran rizalıq birde. Ämma annan soñ, Waşington İranğa qarşı propaganda alıp barğan öçen, baş tarttı. İran älegä qädär söyläşülär başlaw turında qarar qabul itmägän”,- dide Mottaki.

Quşma Ştatlar prezidentı George Bush, Ğıyraqta amerikannar strategiäse üzgärü turında maxsus xisap äzxerläwçe törkem belän oçraşqan waqıtta, Süriä belän İrannıñ Ğıraqtağı wäzğeyätne cayğa saluda qatnaşu mömkinlegen tikşergän ide.

XS
SM
MD
LG