Accessibility links

якшәмбе, 11 декабрь 2016, Казан вакыты 07:16

Novosibirskida törki xalıqlar mädäniäte festivale


Bügen, 15 noyäber könne, Novosibirski şähärendä “Seber çäyxanäse” dip isemlängän II törki xalıqlar festivale start aldı. Çaranıñ töp oyıştıruçıları Novosibirski ölkäseneñ mädäniät idäräse häm tatar mädäniät üzäge. Festival' 18 noyäbergä qadär däwam itäçäk. Monnan ike yıl elek Novosibirskida 1-nçe “Seber çäyxanäse” festivale bulıp uzğan ide. Ul şulay uq ölkä tatar mädäniät üzäge köçe belän oyıştırılıp, törki xalıqlarnıñ icat kollektivları qatnaşında ütkän ide. Bıyılğı festival'neñ geografiäse şaqtıy kiñäygän häm anıñ programması da uzğanınnan küpkä külämleräk buluı belän ayırılıp tora. Älegä Novosibirskiğa festival'neñ berençe könendäge çaralarda qatnaşuçılar – Qazan, Omski, Tomski, Kemerovo kebek şähärlärdän kilep cittelär. Aldağı könnärdä, tağın Rusiäneñ qayber başqa töbäklärennän, şulay uq Qazaqstannan häm Qırğızstannan da qunaqlar kilüe kötelä.

Berençe “Seber çäyxanäse”ndä iğtibar kübräk törki xalıqlarnıñ cırlarına häm iyüllärenä yünältelgän bulsa, ikençe festival'dä başqa janrlarğa da urın birelgän. Novosibirski ölkä tatar mädäniät üzäge citäkçese Rauza xanım Tixomirova, törle yaqlap talantlarnı kürsätäsebez kilde di.

Festival' qısalarında törki xalıqlarnıñ qul sänğäte ostaları kürgäzmälären oyıştıru, törkilär turında fil'mnar kürsätü, “Törki çibäre” konkursı ütkärü häm başqa çaralar qaralğan. Bu çaralar turında aldağı xäbärlärdä täfsilläbräk beldererbez

Rozaliä Sayganova, Omski-Novosibirski

XS
SM
MD
LG