Däwlät dumasında Rusiä belän Tatarstan arasındağı wäkälätlär büleşü turındağı kileşü ölgesen qaraw 2007 yılnıñ fevralenä tögällänergä mömkin. Bu xaqta Tatarstan däwlät şurası räise Färit Möxämmätşin belderde. Anıñ süzlärençä, bu dokument Däwlät Duması şurasında qaralıp, törle komitetlarğa häm xoquq oyışmalarına cibärelgän. Möxämmätşin monı Tatarstan Däwlät Şurasında xäbärçelär belän oçraşuda äytte.
