Accessibility links

чәршәмбе, 7 декабрь 2016, Казан вакыты 17:24

Lufthansa Qazan üzägendä ofis açtı


Qazanda “Lufthansa” aviaşirkäte 10 yılğa yaqın eşläp kilä ikän. 2007 yılnıñ aprel'' ayında älege Germaniäneñ aviaşirkäte Tatarstan başqalasında eşli başlawınıñ 10 yıllıq yubileen ütkärergä cıyına. “Lufthansa” Qazan belän başqa illärne totaştıra, şuña da ul xalıqara däräcädäge aviaşirkät tä inde. Qazanda 10 yılğa yaqın eşläw däwerendä bu aviaşirkät arqılı 60 meñgä yaqın keşe başqalağa kilgännär häm kitkännär. Bolarnı bezgä “Lufthansa” nıñ yaña ofisnı açu tantanasında aviaşirkätneñ citäkçelege äyttelär. Nimes eşmäkärläreneñ, tögälräge “Lufthansa” aviaşirkäteneñ “Qazan” xalıqara aeroportında bülmäläre bulğan häm bar dip añladıq. Menä xäzer alar başqalanıñ üzägendä, Kekin yortınıñ 3nçe qatında yaña ofisların açıp cibärdelär. Aviaşirkätneñ wäkilläre belän oçraşu yaña ofisnıñ ber bülmäsendä bara, ikençe bülmäsendä xezmätkärläre inde biletlar terkäp utıralar. Qazannan Germaniä, Şvetsiägä häm dönyanıñ başqa poçmağına oçıruçı älege şirkät oçqıçları bik az yığılıp töşä ikän. Sorawlar birer aldınnan jurnalistlar da bu aviaşirkätneñ başqalarğa qarağanda qurqınıçsız buluın äytep kittelär häm ofisnı açuda qatnaşqan “Lufthansa” aviaşirkäteneñ Rusiä Federatsiäse, BDB illäre buyınça töbäk citäkçese Vol''fgang Şmidtqa; “ Niçek sez qurqınıçsızlıqnı häm kiräkle taläplärne cirenä citkerüne yuğarı däräcädä eşlisez?” – dip soraw birdelär. Bu sorawnı rus telennän bu citäkçegä añlaşırlıq telgä tärcemäçe äyländerde, annan tärcemäçegä üze belgän teldä añlattı. Şunnan jurnalistlar tärcemäçe arqılı rus telendä cawap işettelär. Nimeslär başta küp tapqır çutlap käğäzgä yazalar häm şul käğäzdäge taläplärneñ öterenä qädär qullanıp ütilär ikän. Şuşı uq cawapnı “Lufthansa” aviaşirkäteneñ Yuğarı İdel buyı töbäkläre häm Tatarstanğa cawaplı citäkçese Manfred Rozental'' da iskärtep ütte. Jurnalistlar belän oçraşu menä şulay aviaşirkätneñ awızına tügel tärcemäçeneñ awızına qarap ütte. Axırdan qäläm iäläre yaña ofisnıñ kompyuter öställärenä quyılğan şampan şäräpläre, törle ciläk-cimeş soqları, başqa täm tomnar belän awız ittelär. Nimes citäkçeläre jurnalistlar küz qaraşları belän genä sawbullaştılar çönki alar tärcemäçesez ber-bersen añlıy almıylar ide. Şulay itep, Kekin yortında açılğan, isemnäre böten dönyağa tanılğan şirkätlär isemlegenä “Lufthansa” Germaniä aviaşirkäte östälde. Qazannan Germaniägä häm başqa dönyanıñ törle poçmaqlarına oçırğa bula. Menä bäyälär böten keşe dä tüli alırlıq tügel, çönki älege şirkät citäkçelege urtaça bäy küpme soñ?- dip sorağannar ide. Alar: “Ul bäyälär üzgärä, oçqıçnıñ qaysı urındığına utıruıña qarap ta üzgärä, şuña kürä bilet aluçılarnıñ üzlärenä bu bäyälärne bezneñ xezmätkärlärebez tögälräk äyterlär”- didelär. “Lufthansa” aviaşirkäte Rusiäneñ 9 şähärendä häm Germaniädä bik populyar ikän.

Röstäm İsxaqi

XS
SM
MD
LG