Accessibility links

пәнҗешәмбе, 8 декабрь 2016, Казан вакыты 08:55

“Aq bars” bankı korrupsiä häm terrorizm belän köräşü çaraların kürä


2006 yılnıñ 11 oktäberennän başlap “ Aq bars” bankı küçerelgän här summadan 10 % aqçanı totıp qala başladı. Bank xezmätkärläre monı korrupsiä häm terrorizm belän köräşü çaraları, cinayätçel yul belän tabılğan aqçalarnı bank aşa ütkärülär buldırmas öçen, dip añlata. Tizdän başqa banklar da bu sistemağa küçärgä cıyına. Bank belän eş itkändä döres itep dokument tözü, älbättä , bik zarur. Ämma döres itep dokumentnı tutırmasañ , bu fidaqar xezmät quyğan keşe dä zıyan kürergä mömkin. Bu mäs’älägä açıqlıq kerter öçen bank xezmätkärläre belän elemtägä kerergä turı kilde.

Tatarstanda “Aq bars” bankı iñ zur häm ışanıçlı banklardan sanala. Ul 1993 yıldan birle eşli. “Aq bars ” bankı Rusiädä iñ ere finans oyışmalar arasında kapitalı buyınça 16 urında tora. Ul bank bügenge köndä 1миллион yarımğa yaqın xosusıy zatqa häm 27 meñ korporativ klientqa xezmät kürsätä. Küp kenä tatarstanlılar üzläreneñ xezmät xaqların da bu bank aşa alalar.

2006 yılnıñ 11 oktäberennän başlap “Aq bars” bankı başqa banklardan küçerelgän här summadan 10 % aqçanı totıp qala başladı.

Bu protsentlar sotsial' tüläwlärdän- pensiä häm invalidlarğa küçerelgän subsidiä aqçalarınnan tış, barlıq klientlarnıñ bu blankqa küçerelgän aqçalarınnan totıp qalına. Bu säbäple, isemnären radio aşa äytergä telämäwlären ütenep, bezgä berniçä keşe şıltırattı.

Bezgä bilgele bulğança, alarnıñ “Aq bars” aşa küçerelgän xezmät xaqınnan da 10% totıp qalınğan.

Ni säbäple bolay kilep çıqtı soñ digän sorawlar belän bez “Aq bars” bankı xezmätkärlärenä möräcäğät ittek. “Aq bars bankı”nıñ opersiälär idaräse citäkçese urınbasarı Räisä Nasibullina menä närsälär söyläde

Rusiädäge banklar öçen xäzerge waqıtta iñ aktual' problemalarnıñ berse sçettağı aqçanı qulğa birgändä zakon bozu oçraqları . İqtisadnıñ barlıq bank sektorında tere aqça äyläneşen kontrol'läü könnän kön qırıslana. Namussız klientlarğa qarata zakon nigezendä çaralar kürelä. Şulay uq banklarnıñ tarif säyäsäte aşa yoğıntı yasala.

Ägär operatsiä qulğa tere aqça birü belän bäyle bulmasa, ul sotsial' xarakterdağı, şul isäptän xezmät xaqı tüläw sanala . Bu oçraqta komissiä küläme 1,5 protsentqa qädär töşä , yäki bötenläy alınmıy”. Ägär berär şundıy xäl kilep çıqsa, ğariza belän citäkçegä kerergä kiräk. Ägär dä oyışma bank belän xezmät xaqın küçerü turında kileşü tözegändä, annan aqça alınmıy. Ä “proçie rasxodı” yäki başqa närsälärne satıp alırğa bulsa, ul waqıtta tarif buyınça kileşüdä nindi tarif belän yazılsa, şul qädär alına. Xezmät xaqına alınmıy. Başqa banklar pıçraq aqçalar belän niçek köräşä soñ ? Moña açıqlıq kerter öçen bez “Qara Altın” bankınıñ direktorlar şurası räise Rinat Abdullinnıñ fikeren soraştıq . Bu turıda ul menä närsä dide:

“Pıçraq aqça turında süz bara. Şul aqçağa andıy protsent bar. Bügenge köndä böten banklar da da şundıy xäl. “Qara altın” bankında da şulay, “Tatfondbankta da şulay. Sberbankta mondıy xäl yuq.”

Bu “Qara Altın” bankınıñ direktorlar şurası räise Rinat Abdullin fikere ide .

Ä “Aq bars” bankı aşa xezmät xaqın alırğa teläwçelär şunı istä totarğa tieş , alar eşlägän oyışma “Aq bars” belän kileşü tözergä tieş. Ul çaqta alarnıñ xezmät xaqınnan 10% aqçaları totılıp qalınmayaçaq.

Mälikä Basıyr

XS
SM
MD
LG