Yewropa Komissiäse Polşa kiläse atnada Yewropa Berlege belän Rusiä arasında yaña xezmättäşlek kileşüe söyläşülären başlawğa vetosın kire alır dip ömetlänüen belderde.
Polşa kiläse yılda möddäte çığaçaq kileşü urınına yañasın äzerläwgä qarşı çığa häm başta Rusiä Polşadan qayber azıq-tölek tawarların kertügä tıyunı ğämäldän çığarsın dip taläp itä.
Xäzerge waqıtta Yewropa Berlegendä räislek itüçe Finländiäneñ premyer ministrı Matti Vanhanen bu nizağnı çişü turında söyläşü öçen bügen Warşawğa kilä.
