Accessibility links

шимбә, 10 декабрь 2016, Казан вакыты 13:53

Aziä-Tın okean iqtisadıy xezmättäşlek sammitı


Xanoyda ütüçe bu çarada 20 dän artıq ilneñ başlıqları, şul isäptän Quşma Ştatlar, Rusiä häm Qıtay liderları da qatnaşa. Quşma Ştatlar prezidentı George Bush, sammitta qatnaşuçılarnı, Tönyaq Korea atom-töş qoralı buldırunı däwam itkängä , BMO nıñ çikläwlären xuplarğa ışandırırğa tırışa. Buş bu mäsälä turında Könyaq Korea häm Yaponia başlıqları belän söyläşte inde. Yaponiä premier-ministrı Sindze Abe belän oçraşqaç, Bush: “Bez ike ara mönäsäbätlärne tikşerep ozaq qına waqıt ütkärdek. Ähämiätle sorawlarnıñ berse- raketa höcümennän saqlanu ölkäsendä urtaq xezmättäşlekne däwam itergä tırışu”,- dide. Sammit qısalarında çığış yasap, Rusiäneñ tışqı eşlär ministrı Sergey Lavrov, Tönyaq Koreanıñ atom programması tiräsendä tuğan krizis, ozaq qalmıy başlanırğa tieş, küp yaqlı söyläşülär waqıtında cayğa salınuına ışanıç belderde. “Bez söyläşülär östäle yanına qaytabız. Söyläşülär özelgännän birle wäzğeyät yaxşırmadı. Tönyaq Koreya atom sınawları ütkärde. Ämma iñ ähämiätlese- söyläşülärne yañartırğa digän qarar bar. Häm min anıñ uñışqa kiteräçägenä ışanam”,-dide Lavrov. İrtägä, yäkşämbe könne Quşma Ştatlar prezidentı George Bush Qıtay häm Rusiä başlıqları belän oçraşa. Xanoyda ütüçe Aziä-Tın okean iqtisadıy xezmättäşlek oyışmasınıñ yıllıq sammitında qatnaşuçılar, şulay uq, iül ayında özelgän dönyaqüläm säwdä söyläşülären däwam itü öçen bulışlıq kürsätergä wäğdä itte. Alar, töp maqsatı- xalıqara säwdäne canlandıru häm üsep kilüçe illärgä yärdäm itü bulğan- Bötendönya säwdä oyışması söyläşülären qabat canlandırıp cibärü öçen qayber taşlamalarğa barırğa äzer ikänleklären belderdelär.

XS
SM
MD
LG