Accessibility links

якшәмбе, 11 декабрь 2016, Казан вакыты 03:28

Aziä-Tın okean sammitı tögällände


Aziä-Tın okean iqtisadıy xezmättäşlek oyışmasınıñ Vetnamda ütkän bu sammitı dönyaqüläm säwdä problemalarına bağışlanğan belderü belän tögällände. Oyışmağa kerüçe illärneñ başlıqları, yül ayında özelgän söyläşülärne başlaw öçen, bötendönya säwdä oyışmasına yärdäm itergä äzer ikänleklären belderde. Sammita qatnaşuçılar, ayırım belderü belän, Tönyaq Koreanı atom qoralın eşläwne tuqtatırğa çaqırdı.

Sammit qısalarında Quşma Ştatlar prezidentı George Bush Qıtay xalıq respublikası başlığı Hu Jintao belän oçraştı. “Min, Qıtay häm Quşma Ştatlar arasındağı mönäsäbätlärneñ, yül ayında bez Peterburda oçraşqannan soñ, progressına söenäm. Bezneñ ike il räsmiläre, şul isäptän yuğarı däräcädägelär arasında da oçraşu-wizitlar yış bulıp tora”,- dide Qıtay başlığı. Quşma Ştatlar prezidentı George Bush: “Qıtay zur ähämiätkä il. Quşma Ştatlar, bergä eşläp Tönyaq Qöreyä, yäki İran problemaların xäl itügä ışanıç belderä”, dide.

XS
SM
MD
LG