Gruziä Rusiäneñ Dönya säwdä oyışmasına kerüenä veto salaçağın qabatladı. Frans press agentlığı, Gruziäneñ iqtisadıy üseş ministrı urınbasarı Vaxtang Lejava süzlären kiterep, Gruziä veto xoquqın barı tik, ägär dä Mäskäw säwdä kileşülären ütäsä, şulay uq Tiflisne çitlätep Abxaziä häm Könyaq Osetiä belän säwdä itüen tuqtatqan oçraqta ğına qullanmayaçaq, dip belderä. Gruziä parlamentı spikerı Nino Burdjanadze da Gruziäneñ dönya säwdä oyışmasınıñ äğzası bularaq, Rusiäneñ aña kerüenä veto salu mömkinlege turında kisätte.
