Accessibility links

Кайнар хәбәр

Britaniä Äfğanstanğa yärdäm itäçäk


Britaniä premer-ministrı Tony Blair Qabulda Äfğanstan prezidentı Xämit Qarazay belän oçraşqannan soñ, Britaniä Äfğanstanğa kiräk qädär yärdäm kürsätäçäk, dip belderde. “Bez Äfğanstanğa, bu il probleması dönyaqüläm problemağa äylängängä kürä kildek. Äfğan xalqı iminlege öçen genä tügel, ä üzebezneke öçen dä, yöklämälärebezgä nikadär kiräk bulsa, şunıñ xätle ozaq waqıtlar çın küñeldän birelgän bulırğa tieşbez”,- dide Blair.

Xämit Qarzay üz çiratında: “Nıqlap ayaqqa basqançı xalıqara cämäğätçelek bezneñ belän bergä bulaçaq. Ul kön kilgäç, yawızlıq köçläre Äfğanstanğa qayta almayaçaq”,- dide.

Britaniä premer-ministrı Tony Blair Äfğanstanğa säfäre waqıtında başta Hilmend wilayätendäge xärbi nığıtmada britan xärbiläre belän oçraştı.
XS
SM
MD
LG