Accessibility links

җомга, 9 декабрь 2016, Казан вакыты 08:59

Çallı möselmannarı ğädel tikşerü sorıy


Soñğı ike yılda Tatarstannıñ rayon häm şähärlärendä yäşäwçe qayber möselmannar qulğa alındı häm alarnıñ kübeseneñ eşläre xäzergä qädär tikşerü astında. Qulğa alınuçılarnıñ sanı niqädär? Bu xaqta kisterep kenä äytüçe älegä yuq, şulay da, Çallıda qulğa alınuçılarnıñ tuğannarı belderüençä, andıylarnıñ sanı 40 tan artıp kitä. Şulay uq, Fäwziä Bäyrämovanıñ "Şähri Qazan" gazetasında basılğan mäqäläsendä qulğa alınuçılar sanı 50гә yaqın, alarnıñ berniçäsen cibärdelär dip äytelä. Matbuğattağı xäbärlärneñ tä'sire buldımı, qulğa alınuçılarnıñ tuğannarı berqädär aktivlaşıp kittelär. Mäsälän, düşämbe könge Çallı TİÜ utırışında Ğamil Kamaletdinov qatnaştı. Anıñ malayı Ayrat menä ike yıl inde Minzälä törmäsendä tikşerü astında. Utırışqa şulay uq küptän tügel qulğa alınğan Bahadir Şukurovnıñ tuğanı El'мira Ğabitova, xatını Fäyrüzä xanım da kilgännär ide.Alarğa totqınnarnıñ bik awır şartlarda buluları xaqında mäğlüm bulğan ikän. Monnan ber yıl elek qulğa alınıp, ğayıbe tabılmağaç, Bahadir Şukurovnı irekkä çığarğan bulalar. El'vira häm Fäyrüzä xanımnar äytüençä, noyäber ayında anı qabattan qulğa alalar. Bu yulı anı militsionerlarğa höcüm itüdä ğäyeplilär ikän. Tuğannarı äytüençä, tikşerü barışında Bahadirnıñ qulı da sınğan. Älege xäbär niqädär döreslekkä turı kilä, äytüe mömkin tügel. Şuşı uñaydan Şukurovnıñ advokatına möräcäğät ittem. Advokat xanım, ul prokuratura tarafınnan bilgelängän, minem sorawlarğa cawap birmäskä xaqım "advokatskaya tayna" digän töşençä bar dip belderde. TİÜ cıyılışında Ayrat Kamaletdinovnıñ ätise Ğamir Kamaletdinov Azatlıq xäbärçesenä bolay dide:

"Ul bügen Minzälä törmäsendä utıra. Tikşerü eşläre bette. Alarnı xäzer mäxkämä äzerlilär. Açıqtan- açıq ğayıplären taba almadılar. Şulay bulğaç, mäxkämä bulırğa tieş tügel. Çönki alarnıñ kürsätmäläre zakonsız yul belän alınğan, dimäk, kürsätmälär yuridik köçkä iä tügel. Kürsätmälär ni öçen zakonsız, çönki bezgä kilep ireşkän mäglümatlar, alarnıñ şiqayätläre arqılı qinawların beldek."

Monnan ike yıl elek qulğa alınğan Ayratnıñ ätise Ğamir Kamaletdinov fikerläre buldı.

Älege cıyılışta qulğa alular uñayınnan BMOnıñ keşe xoquqları komissiäsenä, Rusiä prezidentı, Rusiä general' prokurorına häm başqa oyışma, citäkçelärgä möräcäğät qabul itelde. İctimaği Üzäk räise Räfis Kaşapov, möselmannar mäs’äläseneñ Däwlät Şurası utırışında qaraluın, anda qabul itelgän qara nigezendä alğa taba eş yörtäçäklären citkerde.

Çallı, Ğafiulla Ğaziz

XS
SM
MD
LG