Accessibility links

җомга, 9 декабрь 2016, Казан вакыты 14:38

Prezident xakimiätendä üzgäreştär kötölä


Başqortostanda bıl köndärźä qatı halqındar tora. 20 gradusqasa etä. Tuñıusılar, häläk bulıusılar turahında xäbär itelmäy. Sinoptiktar tiźźän yılıtır tip wäğäźäläy. Respublikanıñ säyäsi tormoşonda, kirehensä, bik qıźıu osor. Xökümät töźölöp, prezident xakimiäteneñ strukturahı raślanha la, küp kenä yılı urındar buş qala äle. Bıl täü siratta prezident xakimiätenä qağıla. Sönki huñğı arala, döröśöräge Radiy Xäbirov unıñ etäksehe itep täğäyenlängäs, xaqimiät respubliqanıñ säyäsi tormoşonda möhim rol uynay başlanı. Huñğı, ämmä älegä raślanmağan mäğlümättär buyınsa Miźxät Mämbätov menän Fäüqät Qıźrasov apparattan kitä. Ularźıñ urınına Marat Yamalov menän Rostislaw Mırźağolov kiler tip kötölä. Huñğıhı ber–nisä yıl prezidenttıñ matbuğat xeźmäte etäksehe bulıp eşläne. Matbuğat xeźmäte etäksehe itep bığa tiklem eske eştär ministrlığınıñ matbuğat xeźmätendä eşlägän Ruslan Şäräfetdinov täğäyenlänergä teyeş. Şulay itep, Mortaza Räximovtıñ ergähendäge keşelär üźgärä, säyäsi säxnägä ambitsiyalı yäştär sığa. Säyäsi analitiktar bıl üź siratında respublikala Radiy Xäbirov fayźahına mäğlümät säyäsäten üźgärtergä teläüźeñ ber yulı bulıuı ixtimal tip iśkärtä. Älbittä, bıl turala asıqtan–asıq äytelmäy. Şulay źa bıl şäxestärźeñ huñğı maqsatın töśmörlärgä mömkin. Qayhı ber sığanaqtar äyteüensä, bıl täü siratta Respublikanıñ kiñ mäğlümät saraların tulıhınsa xäźer inde ikense keşegä buyhondorou häm üź säyäsi dairähen buldırırğa ıntılıu. Prezident xakimiätendäge yäştär asıq mäğlümät yaqlı. Bıl inde Respublikanıñ älege etäksehenä oqşamauı ixtimal. Politoloğtar täğäyenläüźär bula qalıp, waqiğalar oşo stsenariy menän kitkändä, Mortaza Räximov yäştärźe tiź arala auıźlıqlayasaq tip tä iśkärtä. Ämmä prezident xakimiätendäge bınday üźgäreştärźe ular respublikağa 16 yıldan aşıu idara itkän keşene aldan erläügä tiñläy.

XS
SM
MD
LG