Accessibility links

дүшәмбе, 5 декабрь 2016, Казан вакыты 03:27

Açıq mikrofon: Däwlät xezmätkärläreneñ eşquarlıq belän şöğellänüenä niçek qarıysız?


-Naçar qarıybız, çönki alar üzläreneñ firmaların aldan törtälär, şunıñ belän eşquarlarğa qıyınlıqlar tudıralar.

- Däwlät xezmätkärläre eşmäkärlek belän şöğellänergä tieş tügellär. Çönki alar üzläreneñ qullarındağı vlast' belän, statusları belän , totıp torğan urınnarı belän faydalanıp kübräk mömkinçelek ala alalar. Häm şunıñ belän törle kileşülär tözi alalar. Kübräk aqça eşli alalar. Häm üzläreneñ matdi yaqların yaxşırtalar.

- Kem niçek buldıra ala inde. Aña da bit äle baş kiräk. Buldırsa , yaxşı inde . Üzlärenä faydası kübräkter inde alarnıñ , däwlätkä dä bardır. Törlese bar .Bar inde yaxşı yağı da. Bar, bar faydası.

- Alarnıñ eşläre belän xalıq bik qänäğät bulmıy. Alarnıñ üz sistemaları . Xalıqqa bik söyläp tä , añlatıp ta betermilär. Alar üzläreneñ mänfägat'lären qänäğätländerer öçen genä eşlilär.

-Bik xuplamıym. Çönki küp kenä uqıtuçılar , yuğarı belem alıp ta , üz eşläre belän şöğellänmilär, barısı da bazarğa kitärgä mäcbür buldılar, xezmät xaqı tübän bulu säbäple. Däwlät xezmätkärläre däwlät eşe belän kübräk şöğellänsennär ide.

- Rişwätlärne bik küp almasalar, yaxşı bulır ide.

- Däwlät oyışmasında eşlägän keşegä, eşmäkärlek belän şöğellänergä teli ikän, ägärdä anıñ töp eşenä qomaçawlamıy ikän, aña andıy xoquq birelergä tieş. Çönki alarnıñ eş xaqları bik tübän.

- Tiskäre minem qaraş. Sport buyınça ğına alıyq. Rayonnarda sport sarayları salınğanda ğına da, aqçalar bülenä, sport sarayları salınırğa dip , şähärlärneñ başlıqları ul aqçalarnı sport sarayları salmıyça, totıp qalalar. Küp çaqta şulay bula.

- Däwlät xezmätkärläre tik däwlät eşe belän genä şöğellänergä tieş. Nindi däwlät xezmätkäre bula inde ul , üzeneñ töp urınında xezmät xaqın da tä'min itä almağaç. Şunıñ östendä eşläsennär.

- Xäzerge köndä çinovniklarnıñ eşmäkärlek belän şöğellänüenä min qulay qarıym. Alar xalıq öçen tırışalar.

- Kiçä Vladimir Putin äytte bit. Putin äytkän süzne bezgä tıñlarğa kiräk.

Mälikä Basıyr

XS
SM
MD
LG