Londondağı xastaxanä tabipları, uzğan tön Rusiä federal' iminlek xezmäteneñ elekke xezmätkäre Aleksandr Litvinenkonıñ xäle bik naçarlandı, dip belderde. Qayber xäbärlärgä qarağanda, Litvinenko öç atna elek, radíoaktiv talli belän ağulanğan bulğan. Ämma xastaxanä mödire bu xaqta: “Analízlar küp yasalsa da, närsä belän ağulanuı älegä xätle bezgä tögäl bilgele tügel”,- dide.
London politsiäseneñ terrorğa qarşı bülege tikşerü eşe alıp bara. Rusiä maxsus xezmäte Litvinenkonı ağulawda alarnıñ qatnaşı bulunı qatğıy räweştä kire qaqtı.
