Accessibility links

шимбә, 10 декабрь 2016, Казан вакыты 11:55

Litvinenko nurnlanışlı poloniy 210 belän ağulanğan


Elekke Rusiä şpionı kiçä kiç ülgän Aleksandr Litvinenko üler aldınnan üz üleme öçen Rusiä prezidentı Vladimir Putinnıñ cawaplı buluın äytep qaldırğan. Litvinenkonıñ bu turıda äytep qaldırğan belderüen bügen Lodnonda anıñ dusları jurnalistlarğa uqıdı. Britan tabibları kiçä Litvinenkonıñ sidegendä nurlanışlı poloniy 210 matdäse tabıldı dip belderde. Litvinenko anıñ belän 3 atna elek ağulanğan bulğan. Ülem aldınnan ul mine däşmäslek xälgä kitergän öçen Putin tüliäçäk digän. Helsinkida Yewropa Berlege citäkçeläre belän oçraşuçı Putin Litvinenkonıñ ülemen säyäsi provokatsiä öçen qullanunı xökem itüen belderde. Putin Litvinenkonıñ ülemen faciğä dip atasa da aña qarata köç qullanılğanlığı äle raslanmadı dide. "Belüemçä, Britan tabiblarınıñ tikşerü näticäläre köç qullanu bulğanlığın kürsätmi. Şuña kürä mondıy spekulyatsiälärgä nigez yuq" dide Putin.

XS
SM
MD
LG