Accessibility links

җомга, 9 декабрь 2016, Казан вакыты 22:25

Litvinenko ülemen tikşerü däwam itä


London -- Rusiäneñ elekke agentı Aleksandr Litvinenkonıñ ülemen tikşerü eşe däwam itä. Ul comğağa qarşı töndä London xastaxanäsendä wafat buldı. Britan räsmiläre anıñ tänendä polonium-210 dip atalğan siräk oçrıy torğan nurlanışlı matdä tabılğan, dip xäbär itte.

Britaniä Sälämätlek saqlaw ministrı Pat Troop bu waqiğanı Britaniä öçen ğädättän-tış xäl dip atadı:

"Kemneder maxsus räweştä mondıy nurlanış belän ağulaw - Britaniä öçen ğädättän-tış xäl" di Sälämätlek ministrı.

Troop süzlärençä, matdäneñ zur külämdä buluına qarağanda, ul anı yä aşağan, yä sulağan, yä ul anıñ qanına kertelgän.

Britan politsiäse nurlanış ezlären Litvinenkonıñ öyendä, ul bulğan qunaqxanä häm restoranda tapqan. Anıñ belän elemtädä bulğan keşelärgä tikşerü ütärgä kiñäş itelä.

Litvinenko ülgännän soñ, anıñ dustı tarafınnan uqılğan belderüdä, ul, üzeneñ ağulanuı öçen Rusiä prezidentı Vladimir Putinnı ğäyeplägän. Putin bu ğäyepläwne "säyäsi provakatsiä" dip atadı.

XS
SM
MD
LG