Accessibility links

сишәмбе, 6 декабрь 2016, Казан вакыты 11:19

Tatarstanda qayber uqıtuçılar “Pravoslaw mädäniäte nigezläre”n uqıtu yaqlı


Tatarstanda da “Pravoslaw mädäniäte nigezlären” kertergä tırışuçılar bar digän mäğlümat küplärne aptıraşta qaldırdı. Bilgele ki monıñ qaysı rayonnarda küzätelgäne äytelmäde, tağın da bu yunäleştä eşne rayon citäkçeläre tügel, ä ayırım uqıtuçılar alıp barğan. Alar turıdan-turı Mäskäw mäğärif häm fän ministrlığına möräcäğät itkännär. Bu xaqta Bötendönya tatar kongressı Başqarma komitetı räiseneñ berençe urınbasarı Rinat Wäliullin

TR Prezidentınıñ Tatarstanda Pravoslaw mädäniäte nigezläre uqıtılmayaçaq digän süzenä qaramastan, qayber rayonnardağı ayırım uqıtuçılar Mäskäw mäğärif häm ministrlığına bu fänne Tatarstanda niçek kertep bulır ikän dip möräcäğät itkännär.

Kongress wäkile Rinat Wäliullin citkergän xäbär Tatarstannıñ mäğärif häm fän ministrlığına bilgele tügel bulsa kiräk. Çönki bu xaqta süz quyırtılmadı. Ämma utırışta qatnaşqan älege ministrlıqnıñ milli mäğärifne üsterü bülege citäkçese Raif Zinnätullin

Bu protsess äkrenläp kerä barır inde ul. Ämma bez ber dingä genä östenle birelergä tieş tügel digän pozitsiädä torabız.

Raif Zinnätullin belderüençä, ministrlıqnıñ sorawı buyınça Mäskäwdäge “Russkoe slovo” digän näşriät böten traditsion dinnär turında mäğlümat kertkän däreslek äzerli. Bu däreslek nigezendä uqıtuğa röxsät berençe bulıp bezneñ respublikada alınaçaq dip belderde Raif Zinnätullin. Şulay uq ul Rusiäneñ qayber ölkälärendä pravoslaw mädäniäte nigezlären räsmi, yäğni töbäk komponentı nigezendä uqıta başlaw Rusiä mäğärif ministrlıyğın da borçıy dip belderä. Raif Zinnätullin

RF mäğärif häm fän ministrı A. Fursenko bu mäs'älä buyınça Rusiäneñ İctimaği pulatına möräcäğät itkän. Bilgele ki aña Konstitutsion sudqa möräcäğät itärgä kiräkle bulğandır, çönki qanun nigezendä mäktäptä dinne uqıtırğa yaramıy.

Tatarstan mäğärif häm fän ministrlığınıñ bülek citäkçese Raif Zinnätullin xakimiät däräcäsendä bara torğan eşlär turında söyläsä, tatar kongressı respublikada kilep tuğan xälgä borçılu belderä. Älegä Tatarstanda pravoslaw mädäniäte nigezlären kertü küzätelmäsä dä, aña omtıluçı uqıtuçılar buluı uq inde ayanıç bulıp qala.

Landış Xarrasova

XS
SM
MD
LG