Accessibility links

шимбә, 10 декабрь 2016, Казан вакыты 21:44

Häykällär häm tarixi binalar yazmışı kem qulına qalır?


27 noyäber könne Tatarstan Ministrlar Kabinetında Premyer-ministr Röstäm Miñnexanov Mädäni mirasnı saqlaw häm massaküläm kommunikatsiälär ölkäsendä zakonnar ütäleşen küzätü federal'' xezmäte citäkçese Boris Boyarskov belän oçraştı. Oçraşuda Premyer-ministr urınbasarı – mädäniät ministrı Zilä Wälieva, “Tatmedia” massaküläm kommunikatsiälär agentlığı citäkçese Marat Moratov häm başqalar qatnaştı. Söyläşüdän soñ Zilä Wälieva belän Boris Boyarskov jurnalistlar sorawlarına cawap birde.

Tarixi häykällärne häm mädäni mirasnı saqlaw oyışmalarınıñ çirattağı 4Bötenrusiä qorıltayı Qazanda ütäçäk. Röstäm Miñnexanov belän Boris Boyarskov oçraşuda şul turıda söyläştelär. Boyarskov süzlärenä qarağanda, Rusiädä dä, Tatarstanda da mädäni mirasnı saqlaw eşe bik awır bara. Monıñ törle säbäpläre bar. Şularnıñ iñ möhime – älege mä’säläne xäl itärdäy xoquqi dokumentlar bulmawda. Bilgele bulğança, mädäni mirasnı häm häykällärne saqlaw turındağı federal'' qanunı inde 5 yıl däwamında ğämälgä kertelmi.

Federal'' xezmät citäkçese äytüençä, Federatsiä subyektları häykällärne niçek saqlap qalu turında üzläre uylanırğa tieş. Bu – häykäl saqlaw eşen tağın da ciñeläytäçäk. Monıñ öçen, maxsus qanun da tözelgän. Tik älegä ul da ğämälgä kermägän äle. Bu xaqta Boris Boyarskov bolay dide.

Xäzerge waqıtta Däwlät Dumasında Mädäniät, sälämätlek saqlaw häm mäğärif ölkäsenä qarağan binaların Federatsiä subyektları qaramağına tapşıru turındağı qanun tikşerelä. Ul 2008 yılnıñ 1 ğinwarınnan ğämälgä kerergä tieş. Şul waqıt eçendä subyektlarda häykällärne saqlaw oyışmaları buldırılırğa tieş. Ul çaqta bezgä yärdäm itep, bezneñ belän xezmättäşlek itüçe belgeçlär kübäyer dip ışanam.

Boris Boyarskov süzlärenä qarağanda, tarixi binalarnı däwlät qaramağınnan şäxsi eşmäkärlär, ictimaği yäisä dini oyışmalar qaramağına tapşıru eşe alıp barıla. Zilä Wälieva äytüençä, mädäni miras häm tarixi häykällärneñ kem qulında buluı möhim tügel, çönki däwlät bu ölkädä matdi yärdäm kürsätä almağan oçraqlar küp bula.

İsegezdä bulsa, Qazanda Gabdulla Tuqay yäşägän “Bolğar” kunakxanäse binası tarixi binalar isemlegennän çığarılğan ide. Bu tatar zıyalılarınıñ rizasızlığın tudırdı. Şul waqıtta däwlät binanı saqlap qalu häm tözekländerü şartı belän “Bolğar” kunakxanäsen “Tatneft''” qaramağına tapşırdı. Tik bu – ber oçraq qına äle. Xäzerge waqıtta respublikada barlığı 1500 dän artıq tarixi häykäl bar. Alarnıñ kübese tözekländerügä moxtac. Tözekländerü eşe isä Federal'' qanun ğämälgä kertelgännän soñ

Güzäl Zıyätdinova.

XS
SM
MD
LG