Räsäyźeñ farmasevtika tarmağına qara yağırğa tırışıu. Mikrogen yämğiäteneñ İmmunopreparat filialı direktorı Möxämmät Alsınbayıv balalarźıñ gripqa qarşı vaksina eşlätkändän huñ dawaxanalarğa elägew osraqtarı turahındağı mäğlümättärźe şulay bahalay. Räsäyźä äle vaksinanan huñ dawaxanalarğa möräjäğät itewźeñ 68 osrağı terkälgän. Alsınbayıv äytewensä, bına 11 yıl dawamında grippol vaksinahın yeteşterew protsessı üźgärmäy. Älbittä, vaksina här kemgä törlösä yoğonto yahay. Bıl täw siratta vaksinanıñ töp komponentı–qoş aqhımına allergia bulğan keşelärgä bäyle. Vaksinanı eşlägän tabiptar bıl üźensälekte qayhı ber osraqta küź uñınan ısqındıra, höźömtälä keşelär zıyan kürä. Alsınbayıv äytewensä, ul yetäklägän filial – ildä grippol vaksinahın yeteşterewse berźän-ber predpriatie. Bıyıl tap İmmunopreparat Hawlıq haqlaw milli proyektı siktärendä 22 million doza vaksina yeteşterewgä däwlät zakazın alğan. Bıl inde üź siratında Räsäy baźarına ütep inergä tırışqan sit il yeteşterewselärendä rizahıźlıq tıuźırıuı ixtimal, ti Alsınbayıv.
Räsäyźeñ baş sanitar tabibı Gennadiy Onişçenko la grippoldı yeteşterew artaban da dawam itäsäk tip beldergän.
Kilähe täwlektärźä lä respublikala köndärźeñ qapıl halqınaytıuı kötölä, tönyaq–könsığış rayondarźa hawa temperaturahınıñ 30-32 gradusqasa tübänäyewe kötölä, başqala sitendä lä 30 gradusqasa hıuıq bulıuı ixtimal. Bıl aźnala yılı köndärgä ömöt itmäskä saqıra sinoptiktar. Noyabrźeñ huñğı köndärendä respublika buyınsa urtasa temperatura töndä 27, ä ayırım rayondarźa 35 gradusqa yetäsäk. Sinoptiktar bınday hawa toroşon seber antisiklonınıñ Ural häm Volğa buyına küsewe menän añlata. Halqındar dekäberźeñ täwge köndärendä lä terkäläsäk, ğömümän, dekäber bıltırğığa qarağanda halqınıraq kötölä. Räsäy gidrometeorologia üźäge bıyılğı qış uźğan yıl menän sağıştırğanda yılıraq bulasaq tip belderä. Ural töbäktärendä yaźźıñ irtä –mart ayında uq başlanasağı la farazlana.
