Accessibility links

җомга, 9 декабрь 2016, Казан вакыты 14:50

Bush Estoniä prezidentı belän oçraştı


Quşma Ştatlar prezidentı George Bush Tallinda Estonia prezidentı Toomas Hendrik Ilves belän söyläşülär ütkärde. Alarnıñ oçraşuı yabıq işeklär artında buldı. Bushnıñ säfäre aldınnan söyläşülär Gruziä, Moldova, Ukrainadağı demokratiä, Ğiraq belän Äfğanstandağı wäzğiät häm İrannıñ atom programmasına bağışlanaçaq, dip xäbär itelgän ide. “Mine bigräk tä İrannıñ atom qoralı yasarğa tırışuı borçıy häm sez dä moña borçılırğa tieş. Bu rejimnıñ atom qoralı bulsa, böten irekle dönyanı qurqıtıp torırğa mömkin”,- dide Bush.

Estoniä prezidentı “İrek- bezneñ töp masat. Demokratiä yulın saylağan häm kürşeläreneñ basımına buysınırğa telämägän däwlätlärneñ barsı öçen dä bu şulay. Min Gruziä, Ukraina häm Baltıyq buyı däwlätläre turında äytäm. Bez bu illärgä, ägär dä alarnıñ berärseneñ ışanıçı sünsä, ikelänep tormıyça buldıra alğança yärdäm itergä tieş”,- dide.

XS
SM
MD
LG