NATO Gruziä belän Ukrainanıñ Tönyaq alyansqa quşılu ideyäsenä uñay qarıy. Bu xaqta Quşma Ştatlar prezidentı George Bush Rigada NATO sammitı waqıtında äytte. 26 il başlıqları oçraşuında Äfğanstandağı xäl tikşereler dip kötelä. Anda NATO ğaskärlärenä qarşı taliplarnıñ höcümnäre köçäyä.
NATO general sekretare Jaap de Hoop Scheffer bu sammit başlanır aldınnan: “NATO ğäskärläre Äfğanstanda 3 yıl inde. Bu waqıt anda nindi çaralar belän uñışqa ireşep bulasın añlaw öçen citärlek. Äfğanstandağı iminlekne buldıruçı xalıqara tınıçlıq köçlären täemin itüne döres itep oyıştırırğa kiräk. Minem uylawımça, ilneñ könyığındağı ğäskärlär kiräkkä qarağanda azıraq täemin itelä”,- dide.
