Yewropa Komissiäse Törkiäneñ Yewropa Berlegenä quşılu söyläşülären waqıtlıça tuqtatıp torırğa täqdim itte. Bu täqdim Änqara Yewropa berlege äğzası- Qıprıs köymälärenä üz portlarına kerüenä ozaq waqıtlar röxsät itmägängä qabul itelgän. Berlekneñ kiñäyü eşläre komissionerı Olli Rehn bu xaqta Brusseldä mätbuğat oçraşuında belderde. “Törkiäneñ 11 dekäberdä ütäçäk Tışqı eşlär ministrları cıyınına qädär waqıtı bar. Ul aña qädär täläplärne üti ala. Ul oçraqta bu täqdimneñ kiräge qalmayaçaq”,- dide Rehn.
Şuşı täqdim kiläse ayda bulaçaq Yuğarı däräcäle oçraşuda, anda qatnaşqan bar citäkçelär tarafınnan da xuplanırğa tieş. Bügenge qarar Törkiäneñ yıllar däwamında Yewropa Berlegenä quşılu telägenä kirtä quyıp, ike yaqlı mönäsäbätlärgä zıyan kiterä ala.
