Accessibility links

чәршәмбе, 7 декабрь 2016, Казан вакыты 00:52

Gaydar ağulanğan dip şiklänelä


Rusiä başqalasındağı xastaxanädä däwalanuçı Yıgor Gaydarnıñ sälamätlege xäzerge waqıtta känäğätlänerlek. Bu xaqta anıñ qızı Maria Gaydar belderde. “Xäzer sälamätlege yaxşırdı. Känägätlänerlek dip äytergä mömkin. Xäzerge waqıtta ul Mäskäwdäge xastaxanägä küçerelde”,- dide ul.

Elegeräk “RAO EES” başlığı Anatolí Çubays, “Financial Times” gazetasına birgän äñgämädä Gaydarnı ağulaw şige dä bar, dip äytkän ide. Çubays fikerençä, Gaydarnıñ kinät xälsezlänüe, Anna Politkovskayanı üterü häm Aleksandr Litvinenkonıñ säyer üleme üzara bäyläneştä bulırğa da mömkin.

Gaydarnıñ süzçese Valeri Natarov ta, Gaydar tiräsendägelär anıñ ağulanu farazların inqar itmi, dip belderde. Gaydarnıñ xezmättäşe, Uñ köçlär berlege citäkçelege äğzası Nikitä Belıx bu faraz dälillänmägän, di.

Uzğan atnada İrlandiädä uzğan konferensiä waqıtında Yıgor Gaydarnıñ küñele bolğanıp ul qan qosa başlağan. Anı başta Dublindağı xastaxanägä salğan idelär.

XS
SM
MD
LG