Accessibility links

җомга, 9 декабрь 2016, Казан вакыты 05:00

Samarda bişençe “Sömbelä” bişlegä uzdı


Samarda Sabantuy, Näwrüz, balalar festivale küp yıllardan birle uzdırılıp kilsä, “Sömbelä” bäyräme bıyıl äle 5-nçe märtäbä genä uzdırıldı. Aldağı yıllarda Sömbelä tantanasın İske Yärmäk, Denis, Yaña Mansur awılları taswirlasa, bıyıl Sömbelä obrazın Ğäli mäktäbe uquçıları bik tä inde cılı itep kürsätä aldılar. Öç säğät barğan muzıkal' programmanı Tupli awılı uqçıları häm “Yaqtılıq” balaları bizäde.

Ğäli mäktäbe uquçılarına ayırım tuqtalası kilä. Balalar ata- anağa, tuğan cirenä berekkän. Ä Ğäli zurlığı, uñğanlığı, baylığı, dinilege belän ayırılıp tora. Balalar sanı kimemi. Ölkäbezdä tik Ğäli awılında ğına barlıq cirlär dä sörelä, çäçelä häm bu eşne kolxoz tügel, ä fermerlar başqara. Soñğı yıllarda tatar awıllarındağı cirlärne çittän kilep başqa millät keşeläre satıp ala. Bu bik qurqınıç xäl, çönki ata- babadan qalğan baylıq tatar qulınnan ıçqına. Ä cir – ul iñ zur baylıq. Ğäli awılınıñ barlıq cirläre dä Ğäli awılı irläre qulında.

Ğäli mäktäbe balalarınıñ tele- soqlanırlıq häm ğorurlanırlıq xislär uyattı. Awız tutırıp tatarça söyläşälär , säxnädäge yegerme bala barçası da biilär, barçası da özderep cırlıylar. Ğälilelär tatar telen kamil belälär häm bik möhim närsä, öslärendäge milli kiemnärne atel'yeda tügel, üzläre tekkännär. Bu inde Ğali xalqınıñ millätebezneñ ğasırlardan kilgän hönären saqlaw digän süz.

Uzğan yıllarda Sömbelä bäyräme küpçelek olılar köçe belän surätlänä ide. Bişençe Sömbeläne milli xäräkät tulısınça balalar cilkäsenä salıp, täcribä yasadı häm yalğışmadı. Bişençe “Sömbelä” bişlegä uzdı. Yegerme yaqın milli bäyrämnärebezne propagandalau buşqa kitmäde. Bügen tatar bäyrämnären Samarda olılar köçe belän dä , balalar köçe belän dä sıyfatlı itep uzdırırğa bula.

Şamil Bahautdin, Samar

XS
SM
MD
LG