Accessibility links

сишәмбе, 6 декабрь 2016, Казан вакыты 17:08

Kiläse yılnıñ iseme iğlan itelde


Kiläse 2007 yıl Başqortstanda nindi yıl bulaçağı mäğlüm buldı. Aldağı yıl “Başqortstannıñ Rusiägä quşıluına 450 yıl tulu yılı” dip atalaçaq ikän. Bu xaqta çärşämbe könne Başqortstan Prezidentı Sovetı utırışında bäyän itelde. İnde küptän söyläp kilenüençä, kiläse yılda Başqortstan üzeneñ yubileyın bäyräm itäçäk. Başqortstannıñ Rusiägä quşıluınıñ 450 yıllığın zurlap bäyräm itü öçen, respublika citäkçelege Mäskäwgä ük barıp, il prezidentı Putinnıñ rizalıq-fatıyxasın alğan ide. Äle şuşı tarixi datağa äzerlek däwam itä. Şuña da kiläse yılnı nindi yıl dip atarğa ikän dip baş watıp tormadı Başqortstan citäkçeläre, şul 450 yıllıq yubiley yılı dip iğlan itärgä qarar qıldı. Şuşı könnärdä prezident Mortaza Räximov bu qararnı üzeneñ maxsus färmanı belän räsmiläşterep tä quyaçaq.

Başqortstannıñ Rusiägä quşıluınıñ 450 yıllığı yubileyına respublikada mönäsäbät ber törle genä tügel. Cämäğätçelekneñ ber öleşe anı xuplasa, ikençese monı barmaqtan suırıp çığarılğan häm xätta töbäkne mısqıl itüçe bäyräm dip isäpli. Niçek kenä bulsa da şuşı bäyrämgä äzerlänü qısalarında Ufada bik küp yaña tözeleşlär alıp barıla. Başqala tözeklänä häm maturlana, härxäldä, xalıqqa monıñ zıyanı bulmas. Ä tarixi neçkäleklärne ğadi xalıq bik töpçenep tä barmıy inde, aña bügenge yäşäyeşne köyläw möhim.

XS
SM
MD
LG