Accessibility links

Кайнар хәбәр

Prezidentqa Çeçnya öçen medal birelde


Başqortstan prezidentı Mortaza Räximov Çeçnyadağı tırışlıqları öçen medal' belän büläklände. Çärşämbe könne aña Rusiä Eçke eşlär ministrlığınıñ iñ yuğarı büläkläreneñ berse – “Xärbi xezmättäşlek öçen” isemle medal' tapşırıldı. Rusiä eçke eşlär ministrı Räşit Nurğalievnıñ şuşı medal'ne birü xaqındağı färmanında Mortaza Räximovqa bu büläk “Başqortstannıñ Çeçnyada xezmät itüçe militsiä xezmätkärlärenä yärdäm itkäne öçen” digän añlatma yazılğan. Bu medal'ne Räximovnıñ kükrägenä Başqortstan eçke eşlär ministrı Divaev äfände berkette.

Soñğı berniçä yılda Başqortstannıñ yözlärçä militsiä xezmätkäre Çeçnya Respublikasında komandirovkada buldı. Distälärçä yaqtaş anda başın saldı, tağın küpläre qatı cäräxätlär aldı. Älege köndä dä Çeçnyada Başqortstannıñ yözdän artıq militsionerı yartı yıllıq xezmättä qala.



Başqortstan prezidentı Räximov üze berqayçan da xärbi xezmättä bulmağan. Ämma aña törle uñaydan häm törle taraflardan xärbi büläklärne yaudırıp qına toralar. Çirattağısına da bik zur qänäğätlek xise kiçerde ul.

XS
SM
MD
LG