Accessibility links

Кайнар хәбәр

Tatar uqıtuçıları kiñäşmäse bara


Uzğan programmabızda Başqortstan tatar uqıtuçılarınıñ respublika kiñäşmäse başlanaçağı xaqında äytep quyğan idek inde. Atnakiç könne ul Kuşnarenko rayonında başlanıp kitte. İke köngä isäplängän şuşı kiñäşmägä respublikanıñ distälärçä rayonınnan yözdän artıq mäktäp uqıtuçıları kilde. Ufadan da qunaqlar bardı anda. Başqortstan däwlät universitetınnan häm Başqortstan däwlät pedagogiä universitetınnan tanılğan möğallimnär, filologiä fäne kandidatları häm doktorları da qatnaşa bu kiñäşmädä.

“Tatar telen häm ädäbiäten uqıtunıñ zamança alımnarı” dip ataluı uq bu cıyınnıñ maqsatın açıq äytep tora. Bu temağa kiñäşmälärneñ uzğan yıllarda da oyıştırılğanı buldı anısı. Läkin xäzerge köndä bu söyläşü ayıruça ähämiätle. Berençedän, mäğärif ölkäsendäge taläplär üzgärä, ikençedän, moña Başqortstan şartlarında tatar telen häm ädäbiäten uqıtunıñ qatlawlana baruı, tatar mäktäpläreneñ häm sıynıflarınıñ kimi baruı da etärä.



İnde äytelüençä, Kuşnarenko rayonındağı tatar uqıtuçıları respublika kiñäşmäsenä Ufadağı yuğarı uqu yortlarınıñ tatar möğallimnäre dä yullandı. Şularnıñ berse – Başqortstan däwlät universitetınıñ tatar tele häm ädäbiäte bülege dotsentı Liliä Säğidullina belän bez şuşı kiñäşmä başlanğançı äñgämä qorıp alğan idek. Anıñ tatar telen häm ädäbiäten uqıtuğa bäyle qayber fikerlären sezgä dä täqdim itäm, xörmätle tıñlawçılar.

“Bezneñ mäktäplärdä bügenge köndä haman da traditsion uqıtu alımnarı qullanıla. Bez üzebez dä şulay täriälängänbez. Bu uqıtu üze naçar tügel, läkin xäzerge zaman başqa şäxeslär sorıy. Şuña kürä belem birüdä üzgärergä tieş” – di Liliä xanım.

Liliä xanım süzlärençä, här predmetnı uqıtudağı kebek ük, tatar tele häm ädäbiäten uqıtuda da eşkä icadi qaraw kiräk. “Uqıtuçılar tatar tele häm ädäbiäte däresleklärenä genä yabışıp yatarğa tieş tügel, - di ul. – Klasstan tış däreslär oyıştıru, bügenge kön tatar ädäbi protsessın küzätep baru, xäzerge ädiplärebez xaqında uquçılarğa qızıqlı mäğlümatlar birü kiräk. Ä andıy kiñ qaraşlı uqıtuçılar här töbäktä dä bar ul”.

Kuşnarenko rayonında tatar uqıtuçılarınıñ respublika kiñäşmäse atnakiç könne andağı pedagogiä kolledjında plenar utırış belän başlanıp kitte. Kiñäşmä üz eşen comğa könne dä däwam itä. Tatar uqıtuçıları rayondağı berniçä mäktäptä, litseyda, balalar baqçalarında bulıp, andağı açıq däreslärne qarayaçaq, millät balaların tärbiäläwdäge yaña alımnar belän tanışaçaq.

Fänis Fätxi, Ufa

XS
SM
MD
LG