Accessibility links

Кайнар хәбәр

Çallıda "Fiat" maşinası çığa başladı


1 dekaberdä bulğan tantanada Tatarstan prezidentı M.Şäymiev, Rusiäneñ sänäğät häm energetika ministrı urınbasarı Andrey Dement'yev, Fiat-avto kompaniäse vitse-prezidentı Al'fredo Al'tavill qatnaştı. A.Dement'yev belderüençä, älege proyektqa Rusiä xökümäte härdaim toraçaq. Fiat-avto vitse-prezidentı A.Al'tavill könbatış kompaniäseneñ Çallı berläşmäse belän xezmättäşlek başlawına basım yasadı häm kiläçäkne niçek küzallawın da äytte. Anıñ süzlärençä, 2007нче yılda monda tağın ike yaña model' avtomobil' cıyılaçaq. Şulay uq 2007 yılnıñ noyäberendä Alabuğada Fiat avtomobil'lär cıya başlayaçaqlar. Alabuğada yılına 75 meñ maşina yasaw küzdä totıla. Şuşı ike şähär Rusiä bazarına 175 meñ avtomobil' biräçäk, dide Al'tavill äfände. Şuşı çığışlardan soñ, Tatarstan prezidentı M.Şäymiev süz aldı:

"Kiläçäktä uñışlı eşläwebezgä ışanam-dide ul häm ör yaña Fiat avtomobile açqıçın "Märxämät" isemle balalar yortına tapşırdı.

Ğafiulla Ğaziz, Çallı

XS
SM
MD
LG