Accessibility links

чәршәмбе, 7 декабрь 2016, Казан вакыты 17:26

“Qazan” xalıqara hawa alanı üzgäreş kiçerä


Äle menä noyäber urtalarında, germaniäneñ “Lufthansa” aviaşirkäte Qazanda, Kekin yortında yaña ofisların açqanda hawa alannarınıñ bügenge xäle xaqında söyläşkännär ide. Ayırım alğanda - xalıqara “Qazan” hawa alanı xaqında. Başqalada 10 yıl eşläp kilüçe germaniäneñ “Lufthansa” aviaşirkäte citäkçelegenä jurnalistlar; ““Qazan” xalıqara hawa alanındağı şartlar sezne qänäğätländeräme, çit il aviaşirkätlärenä xalıqqa sıyfatlı xezmät kürsätü öçen uñaylıqlar barmı?” – digän sorawlar birgännär ide. Germaniä aviaşirkäte citäkçelegeneñ cawabı bolay yañğıradı: -

Bez äytmäs idek tulısınça närsädänder qanäğät tügel dip. Läkin aeroportta ayırım ber xezmät kürsätü ölkäsendä kimçeleklär bar. Läkin bügenge şartlarda “Qazan” hawa alanında küp kenä aviaşirkätlär xalıqara oçışlarnı oyıştıruda qıyınlıqlarğa oçrıy. Şul uq terkäw buyınça, telägän qadär sanda yulçılarnı terkäp häm oçırıp bulmıy. 2007 yılda “Lufthansa” aviaşirkäte “Qazan” xalıqara hawa alanı aşa başqalağa däräcäle qunaqlarnı oçıraçaq. Yevropanıñ tözekländerü häm üseş bankı cıyılışına kilüçelär, “Yunesqo”nıñ konferensiäse qunaqları “Qazan” hawa alanına “Lufthansa” oçqıçları belän kiläçäk dip kötelä. Şuña da çit il aviaşirkäte hawa alanındağı yañartular bu zur çaralar başlanğançı betsä ide digän teläktä. Çit il aviaşirkätläreneñ teläklären iskä alıp bez “Qazan” xalıqara hawa alanı belän elemtägä çıqtıq. “Hawa alanın yañartu öçen 18,8 million aqça bülengän. Bu aqçalar ikegä bülep birelgän dilär. Bu çınnan da şulaymı, dälilläp kitsägez ide?” – digän sorawnı älege oçqıçlar mäydançığı xucası Petr Trubaevqa yulladıq. “Qazan” hawa alanı xucası mondıy cawap birde: - Äye, näq şulay! Aqçalar birelde, alarnı ikegä bülep qullanaçaqbız. -

Aeroportnı yañartu bügen ni xäldä? -

Tözekländerügä bez inde sentäber ayında uq kereştek. Başta finans kiınlıqları kiçersäk, xäzer bars ıda äybät bara. Oçqıçlar mäydançığı xucası Petr Trubaev şulay uq hawa alanın tözekländerü öçen aqçalarnı Tatarstan xökümäte bülep birüen äytte. Monda iğänäçelärneñ qatnaşı bulmağan. 18,8 million aqçanıñ 10,2 millionı hawa alanındağı berençe terminalnı häm iske aerovokzal binasın tözekländerügä kitäçäk. Ä qalğan aqçalarnı oçqıçlar mäydançığın, hawa alanı binaların zamança texnika belän bayıtuğa qullanmaqçılar. Yañartu, tözekländerüne 2007 yılnıñ berençe yartısında tögällärgä uylıylar. “Qazan” hawa alanı citäkçese Petr Trubaev äytkänçä, remont eşläre belän ayırım oyışma şöğellänä. Bu törek yäki başqa çit il oyışması tügel ikän. “Hawa alanın üzebezneñ keşelär yañarta !” - dip ışandırdı xuca keşe. Röstäm İsxaqi

XS
SM
MD
LG